Back

ኢንጂነር ስመኘው በቀለ በአዲስ አበባ መስቀል አደባባይ አካባቢ ሞተው ተገኙ

ኢንጂነር ስመኘው በቀለ በአዲስ አበባ መስቀል አደባባይ አካባቢ ሞተው ተገኙ፡፡

ሐምሌ 19/2010

አስክሬኑም ተጨማሪ ምርመራ ሊደረግለት ወደ ጳውሎስ ሆስፒታል ተወስዷል፡፡

መስከረም 3፣1957 በአማራ ክልላዊ መንግስት ጎንደር ልዩ ቦታው ማክሰኝት የተወለዱት ኢንጂነር ስመኘው፣ ህይወታቸው እስካለፈበት የዛሬዋ ዕለት ድርስ ላለፉት 32 ዓመታት በኢትዮጵያ ኤሌክትሪክ ኃይል ኮርፖሬሽንና በኢትዮጵያ ኃይል ህዝብና መንግስትን አገልግለዋል፡፡

በኢትዮጵያ ኤሌክትሪክ ኃይል ኮርፖሬሽን ኮተቤ ማሰልጠኛ ከ1978 እስከ 1991 ኢንስትራክተር ሆነው ያገለገሉ ሲሆን፣ ከ1991 እስከ 1992 ደግሞ በዋናው መስሪያ ቤት የኢንጂነሪንግ ድፓርትመንት ክፍል መሃንዲስ ሆነው ሰርተዋል፡፡

ኢንጅነር ስመኘው አገሪቱ የጀመረችውን የኃይል ልማቱ ዘርፍ በመቀላቀል ከ1992 1993 የጊቤ አንድ ኃይል ማመንጫ ፕሮጀክት ካውንተር ፓርት ኢንጅነር፣ከ1997 እስከ 2002 የጊቤ ሁለት የኃይል ማመንጫ ፕሮጀክት አስተባባሪና እና ስራ አስኪያጅ ፣እንዲሁም ከ2003 እስከ እስከ ሀምሌ 19፣ 2010 ድረስ ደግሞ የታላቁ ኢትዮጵያ ህዳሴ ግድብ ስራ አስኪያጅ ሆነው አገልግለዋል፡፡

የኢፌዲሪ ፕሬዝዳንት ዶ/ር ሙላቱ ተሾመ እና የክልል መንግስታትም በኢንጅነር ስመኘው በቀለ ሞት የተሰማቸውን ሀዘን ገልፀዋል፡፡

የኢትዮጵያ ብሮድካስቲንግ ኮርፖሬሽንም በአንጅነር ስመኘው ሞት የተሰማውን ሀዘን በመግለፅ ለቤተሰቦቻቸውና ወዳጅ ዘመዶች መፅናናትን ተመኝቷል፡፡