Back

ከአሜሪካ ሲያትል ተሰርቃ ትበር የነበረች አውሮፕላን የመከስከስ አደጋ ገጠማት

ነሐሴ 5፣ 2010

በአሜሪካ ከአላስካ  የሰረቃትን አውሮፕላን ሲያበር የነበረ ግለሰብ ብዙም ርቆ ሳይሄድ የመከስከስ አደጋ ገጥሞታል፡፡

የአላስካ አየር መንገድ ሰራተኛ የሆነ ግለሰብ  አውሮፕላን ሰርቆ ራሱን ለማጥፋት ጥቂት ኪሎ  ሜትሮችን ካበረረ  በኋላ በዋሽንግተን ዲሲ አቅራቢያ አንዲት ደሴት ላይ ትላንት አመሻሽ ላይ ከአውሮፕላኗ ጋር የመከስከስ አደጋ ገጥሞታል፡፡

አውሮፕላኗን በማብረር ሂደት አብራሪው አየር ላይ ለማቆም በመሞከሩ ፣አልያም  የማብረር ችሎታ ስለሌለው አውሮፕላኗ ሳትከሰከስ እንዳልቀረች ፖሊስ አስታውቋል፡፡

በአውሮፕላኗ ውስጥ ምንም አይነት ተሳፋሪ አልነበረም ተብሏል፡፡

የአየር መንገዱ የአውሮፕላን መካኒክ እንደነበር የተገለፀው ይህው ሰራተኛ፣ ሆሪዞን ኤር Q400 የተሰኘችውን አውሮፕላን ነው ከሲያትል አለም አቀፍ አውሮፕላን ድንገት አስነስቶ የመጨረሻ ያለውን እርምጃ የወሰደው፡፡

ተሰርቃ በመብረር ላይ የነበረችውን አውሮፕላን ሁለት ወታደራዊ ኤፍ 15 የተሰኙ አውሮፕላኖች  ሲከታተሏት የነበረ ቢሆንም ከመከስከሱ ጋር የፈፀጸሙት እርምጃ አለመኖሩ ግን ተመልከቷል፡፡

አብራሪው አየር ትራክ ተቆጣጣሪዎች አውሮላኗን እንዲያሳርፍ ሲማፀኑት የነበረ ቢሆንም ፣ ክፉኛ የተጎዳ  ግለሰብ መሆኑን ሲነጋር መደመጡ ተቀርፆ የተገኘ መረጃ  ያመለክታል፡፡

አውሮፕላኗን ሰርቆ ያበር የነበረው የ29 ዓመቱ ግለሰብ ራሱን ለማጥፋት ብሎ የተጠቀመበት ዘዴ እንጂ፣ ከሽብርተኝነት  ጋር የተያያዘ ድርጊት አለመሆኑን ፖሲስ አመልከቷል፡፡

የአውሮፕላኗን መከስከስ ተከትሎ በአካባቢው የደረሰ  ጉዳት ስለ መድረሱ የታወቀ ነገር የለም፡፡

አውሮፕላን መጥለፍ ይቻል ይሆናል እንጂ ሰርቆ ማብረር ግን ብዙም የተለመደ ተግባር አለመሆኑ ብዙዎችን አስገርሟል፡፡

ምንጭ፡‑ አልጀዚራ