Back

ጾታዊ ጥቃት የደረሰባቸው ህጻናት እራሳቸውን የማጥፋጥ እድላቸው ከፍተኛ ነው

ጾታዊ ጥቃት የደረሰባቸው ህጻናት እራሳቸውን የማጥፋጥ እድላቸው ከፍተኛ ነው

ህፃናት በአፍላ እድሜያቸው ለተለያዮ ስቃዮች ሰለባ ሲሆኑ በጎልማሳ እድሜያቸው እራሳቸውን የማጥፋት እድላቸው ከፍተኛ እንደሆነ የዘርፎ ተመራማሪዎች ገለፁ፡፡

እንደ ተመራማሪዎቹ ግኝት ከሆነ ህፃናት በአፍላ እድሜያቸው ለተለያዮ ስቃዮች ሲዳረጉ አድገው እራሳቸውን ሲያውቁ በትንሹ ከሁለት እስከ ሶስት እጥፍ እራሳቸውን የማጥፋት ሙከራ ሊያደርጉ ይችላሉ ተብሏል፡፡

በዚህም ምርምር ውጤት ላይ በህፃንነታቸው የተለያዮ ለጥቃቶችና መገለል ሰለባ የሆኑ እድሜያቸው ከ18 ዓመት ጀምሮ ያሉ 262 ሺህ ሰዎች ተሳታፊ ሆነው እንደነበር ተመልክቷል፡፡

በጥናቱም በህፃንነታቸው ጾታዊ ጥቃት የደረሰባቸው ሰዎች በሶስት እጥፍ እራሳቸውን የማጥፋት ሙኩራ ሊያደርጉ እንደሚችሉ ተነግሯል፡፡

በህፃንነታቸው የተገለሉ አልያም አካላዊ ጥቃት የደረሰባቸው ሰዎች ደግሞ በሁለት ከግማሽ እጥፍ እራሳቸውን የማጥፋት ሙከራ ሊያደርጉ ይችላሉ ተብሏል፡፡

ለበርካታ ስቃይ የተዳረጉ ህፃናት ለአቅም አዳም ሲደርሱ በአምስት እጥፍ እራሳቸውን የማጥፋት ሙከራ ሊያደርጉ ይችላሉ ብለዋል በብሪታኒያ በጥናቱ የተሳተፉ ተመራማሪዎች፡፡

በመሆኑም በእንደዚህ አይነት የህይወት አጋጣሚ ያለፉ ሰዎች እራሳቸውን እዳያጠፉ የአህምሮ ህክምና ሊያገኙ እንደሚገባ መክረዋል፡፡

ምንጭ፦ ሽንዋ