Back

የአለም ጤና ድርጅት የቀረበበትን ውንጀላ ለማጣራት የውስጥ ምርመራ ሊያደርግ ነው

ጥር 10፣2011

የአለም ጤና ድርጅት በተቋሙ ተንሰራፍቷል የተባለውን የሙስና፣ ጾታዊ ጥቃትና የዘ ምድሎ ለማጣራት የውስጥ ምርመራ እንዲደረግ ትዕዛዝ አስተላለፈ፡፡

ድርጅቱ የውስጥ ምርመራው እንዲካሄድ የወሰነው ከማይታወቁ ምንጮች በደረሰው ጥቆማ መሰረት ነው ተብሏል፡፡

በዚህም ሳቢያ የአለም ጤ ድርጅት ዋና ዳይሬክተር ዶ/ር ቴድሮስ አድሀኖም በመንግስታቱ ድርጅት የጤና ኤጀንሲ ውስጥ አለ ስለተባለው በደል አልያም ወንጀል ምርመራ እንዲደረግ ትዕዛዝ አስተላልፈዋል ተብሏል፡፡ 

በድርጅቱ በሚሰሩ የአፍሪካ ዜጎች ላይ ስልታዊ በሆነ መንገድ የዘር መድልኦ ከመፈፀም ጀምሮ የኢቦላ ቫይረስን ለመዋጋት ከተመደበው ገንዘብ ውስጥ የተወሰነው ላልተገባ ጉዳይ ወጪ ተደርጓል የሚሉ ክሶች እንደቀረቡም ተመልክቷል፡፡

ይሁን እንጂ ድርጅቱ ራሱን በተገቢ ሁኔታ መርምሮ ውጤቱን ለህዝብ ያሳውቃል በሚለው ጉዳይ ላይ አንዳንድ ሰዎች ከወዲሁ ጥርጣሬ ገብቷቸዋል ነው የተባለው፡፡

በድርጅቱ ይፈፀማል ስለሚባለው በደል ለሚያጣሩ መርማሪዎች ሙሉ ድጋፍ እንደሚሰጥና አስፈላጊ ከሆነም ተጨማሪ ሀብት ሊመደብ እንደሚችል ዶ/ር ቴድሮስ ተናግረዋል፡፡

ምንጭ፦ ዴይሊ ሜይል