Back

ኢትዮጵያ በጤፍ ባለቤትነት ላይ በሄግ ታደረግው የነበረውን ክርክር በአሸናፊነት አጠናቀቀች

ጥር 29፣2011

ኢትዮጵያ በጤፍ ባለቤትነት ላይ በሄግ ታደረግው የነበረውን ክርክር በአሸናፊነት አጠናቀቀች 

ከአመታት በፊት የጤፍ ዱቄትን አገኘሁ በሚል ከኔዘርላንድ መንግስት የባለቤትነት ፍቃድ የወሰደው ሄልዝ ኤንድ ፐርፎርማንስ ፉድ ኢንተርናሽናል የተባለ የሆላንድ ኩባንያ ነበር።

ኩባንያው ከሆላንድ አልፎ በጣሊያን፣በቤልጄም፣ በኦስትሪያና በእንግሊዝ በጤፍ ላይ የባለቤትነት ፍቃድ ነበረው። 
ኢትዮጵያ በጉዳዩ ላይ በሄግ ያደረገችው ክርክር ግን ሙሉ የባለቤትነት መብቷን እንድታስመልስ እንዳደረጋት ጉዳዩን በቅርበት ሲከታተሉ የነበሩት አምበሳደር ፍፁም አረጋ ከኢቢሲ ጋር በነበራቸው ቆይታ ገልፀዋል።

ፍርድ ቤቱ ባለፈው ህዳር የጤፍ ዱቄት ማግኘት የጤፍ ባለቤትነት መብት አያሰጥም በሚል ሙሉ መብቱን ለኢትዮጵያ ቢሰጥም መዝገቡን እስከ ትላንት ድረስ ለይግባኝ ክፍት እንደነበር ገልፀዋል።

ፍርድ ቤቱ ውሳኔውን የሰጠው በጤፍ ዱቄት ላይ ምንም ዓይነት የፈጠራ መብት እንደሌለበትና በተልምዷዊ ዝግጅት የሚገኝ በመሆኑ ጭምር ነው ተብሏል፡፡

ሆኖም የኔዘርላድ መንግስት ድጋፍ እንዲሁም በማሕበራዊ ሚዲያ ላይ የበላቤትነት መብቱን ለማስመለስ የተደረገው ዘመቻ ተፅእኖ ፈጥሮ ሙሉ የባለቤትነት መብቱን ማስመለስ መቻሉን አምባሳደር ፍፁም ገልፀዋል።

በብሩክ ያሬድ