Back

የዩናይትድ ኪንግደም ፓርላሜንታዊ ልዑካን ቡድን ስለ“ጉዞ ሉሲ ለሰላምና ለፍቅር“ ገለጻ ተደረገላቸው


“ጉዞ ሉሲ ለሰላምና ለፍቅር” የሽኝት መርሃ ግብር በህዝብ ተወካዮች ምክር ቤት በተካሄደበት ወቅት የዩናይትድ ኪንግደም ፓርላሜንታዊ ልዑካን ቡድን ስለ “ጉዞ ሉሲ ለሰላምና ለፍቅር” ዓላማ ገለጻ ተደረገላቸው፡፡

በኢትዮጵያና ዩናይትድ ኪንግደም መካከል ያለውን ሁለንተናዊ ግንኙነት አጠናክረው እንደሚቀጥሉ የዩናይትድ ኪንግደም ፓርላሜንታዊ ልዑካን ቡድን ገለጸ፡፡

በተጨማሪም የልዑካን ቡድኑ የሁለቱን ሃገራት ግንኙነት ለማጠናከርና በፓርላማዎቹ መካከል የሃሳብ ልውውጥ እንደሚደረግ ተገልጿል፡፡

የኢትዮጵያ መንግስት የፖለቲካ ስነ-ምህዳሩን ለማስፋት በአጭር ጊዜ ውስጥ ያከናወናቸውን ሰላማዊ የስልጣን ሽግግር ቡድኑ አድንቋል፡፡

ሀገሪቱ ሽብርተኝነትን ለመከላከልና የሰላም ማስጠበቅ ተልዕኮን ለማረጋገጥ ከኢትዮጵያ ጋር እየሰራች እንደምትገኝ በህዝብ ተወካዮች ምክር ቤት የውጭ ግንኙነትና ሰላም ጉዳዮች ቋሚ ኮሚቴ ሰብሳቢ አቶ ተስፋዬ ዳባ ገልጸዋል፡፡

የፖለቲካ ለውጡን ተከትሎ ለውጡን ያልተቀበሉ ሃይሎች በሚፈጥሩት ችግር የዜጎች መፈናቀል እየገጠመ እንደሆነ ያብራሩት አቶ ተስፋዬ፤ ችግሩን ለመፍታት መንግስት በተቋም ደረጃ ተግቶ እየተንቀሳቀሰ እንደሚገኝ ተናግረዋል፡፡

የሁለቱን ሃገራት የፓርላማ ግንኙነት አጠናክሮ ለ ማስቀጠል ዩናይትድ ኪንግደም በአቅም ግንባታ በኩል ድጋፍ እንድታደረግ የልዑካን ቡድኑን መጠየቁን ከህዝብ ተወካዮች ጽ/ቤት የተገኘው መረጃ ያመለክታል፡፡