Back

ኢንሳ “ደራሽ” የተሰኘ የተቀናጀ የክፍያ ፕላትፎርም ይፋ አደረገ

የካቲት 27/ 2011

የኢንፎርሜሽን መረብ ደህንነት ኤጀንሲ ላለፉት ጊዚያት ሙከራ ሲያደርግበት የነበረውን “ደራሽ” የተሰኘው ሃገር አቀፍ የክፍያ ስርዓት አገልግሎት ለመስጠት ዝግጁ መሆኑን ይፋ አድርጓል፡፡

“ደራሽ” ክፍያ የሙከራ ግዜውን አጠናቆ ለአገልግሎት መብቃቱን የኤጀንሲው የተቀናጀ ፕላትፎርም ዲቪዥን ዳይሬክተር አቶ ዮናታን አያሌው ገልጸዋል።

የክፍያ ስርዓቱ በተንቀሳቃሽ ስልክ እና ኤንተርኔትን በመጠቀም ማንኛውም በመንግሥት በሚሰበሰብ ገቢ ለመክፈል የሚያስችል ሲሆን የአገልግሎት ክፍያዎችን ለመክፈል ደንበኞች የሚወስድባቸውን ግዜ፣ የጥራት እና የክፍያ ደህንነት ለመጠበቅ የሚያስችል ነው ተብሎለታል።

በመንግሥት በጀት ተበጅቶ ወደ ስራ የሚገባው “ደራሽ” በፌደራል ደረጃ ላለፉት 8 ወራት ከገቢዎች ሚኒስትር ጋር የተመረጡ ግብር ከፋዮች በደራሽ በኩል እንዲከፍሉ ተደርጎ ከ5 ቢልዮን ብር ላይ ግብር መሰብሰቡን ተጠቁሟል ።

በዚህ የክፍያ ስርዓት የአገልግሎት ሰጪ ተቋማት፣ ባንኮችን እና ደንበኞችን ተጠቃሚ እንደሚያደርግ ተገልጿል።

ሪፖርተር፡- ወይንሸት ደጀኔ