Back

ኬንያና ሶማሊያ ልዩነታቸውን በዲፕሎማሲያዊ ድርድር ለመፍታት ተስማሙ

የካቲት 27፣2011

በጠቅላይ ሚኒስትር ዶ/ር ዐቢይ አህመድ አደራዳሪነት የኬንያዊ ፕሬዝዳንት ኡሁሩ ኬንያታና የሶማሊያው አቻቸው ሙሐመድ አብዱላሂ የአገራቸውን ልዩነት በዲፕሎማሲያዊ ድርድር ለመፍታት በዛሬው ዕለት ከስምምነት ደርሰዋል፡፡

ትላንት ምሽት የሁለቱን አገራት አለመግባባት ለማሸማገል ወደ ናይሮቢ ያቀኑት ጠቅላይ ሚኒስትር ዐቢይ አህመድ ሁለቱን መሪዎች አስማምተዋል፡፡

ፕሬዝዳንት አሁሩ ኬንያታና ፕሬዝዳንት ሙሐመድ አብዱላሂ በቀጣይ ተከታታይ የፊት ለፊት ድርድሮችን በማድረግ በሰላማዊ መንገድ ችግሩን ለመፍታት ይሁንታቸውን ሰጥተዋል፡፡

ኬንያና ሶማሊያ በህንድ ውቂያኖስ ውስጥ ባለ የነዳጅ ሀብት በፈጠሩት እሰጥ አገባ የድፕሎማሲ ግንኙነታውን እስከማቋረጥ ደርሰው ነበር፡፡

በቤተልሄም ጥጋቡ