Back

የቦሌ አለም አቀፍ ኤርፖርት መደበኛ ስራውን በተረጋጋ ሁኔታ እያከናወነ ነው

መጋቢት 2፣2011

የኢቲቪ ሪፖርተር ዛሬ በኤርፖርቱ ባደረገው ምልከታ በአሁን ሰዓት የተቋሙ የበረራ ባለሙያዎች፣ አስተናጋጆችና ሌሎች ሰራተኞች መደበኛ ስራቸውን በተረጋጋ ሁኔታ እያከናወኑ መሆኑን ታዝቧል፡፡

በኤርፖርቱ የመንገደኞች ማስተናገጃ፣ የአገር ውስጥና አለም አቀፍ በረራ የሚካሄድባቸው ስፍራዎች ኢትዮጵያዊያንና የውጭ ሀገር መንገደኞችን እያስተናገደ ይገኛል፡፡

በተለይም በመስኮት የሚሰጡ የደንበኞች አገልግሎቶች በተሳካ ሁኔታ እየተከናወኑ ናቸውም ብሏል፡፡

የአየር መንገዱ ደህንነት የሚያስጠብቁ ማናኛቸውም ነገሮች እንዲሁም የኤርፖርቱ ሰራተኞች ስራቸውን በተረጋጋ ሁኔታ እየሰሩ መሆኑን ተመልክቷል፡፡

አየር መንገዱ በአደጋው ህይወታቸው ያለፉትን መንገደኞች አስክሬን መርምሮ በመለየት በ5 ቀናት ውስጥ ለቤተሰቦቻቸው በይፋ የማሳወቅ ስራ እንደሚሰራም ለማወቅ ተችሏል፡፡

ሪፖርተር፦ ሀብታሙ ደባሱ