Back

ኢትዮጵያና ሱዳን በድንበር አካባቢ በጋራ ለመስራት ተስማሙ

የኢትዮጵያ እና ሱዳን የአገር መከላከያ ተቋማት መካከል ለሁለት ቀናት የኢ.ፈ.ዴ.ሪ የአገር መከላከያ ጠቅላይ ኢታማዦር ሹም ጄኔራል ሰዐረ መኮንን እና የሱዳን አቻቻው ተቀዳሚ ሌ/ጄኔራል ከማል አብዱል ማውሪፍ አልማሂ በተገኙበት ከትናንት በስቲያ በካርቱም ስብሰባ አካሂደዋል።

 

በሁለቱ አገራት ድንበር የሚስተዋሉ የሕገወጥ ሰዎችና እና መሳሪዎች ዝውውርን ለመግታት እና በድንበር አካባቢ የሚከሰቱ የጸጥታ ችግሮችን ለማስቆም በጋራ ለመስራት ተስማምተዋል።

 

ለዚህም በመከላከያ ዘርፍ የጋራ ስራዎችን ለማቀላጠፍ የጋራ ወታደሮቻቸውን በጋራ ድንበር አካባቢዎች ለማስፈር የሚያስችላቸውን ፕሮቶኮል ተፈራርመዋል፡፡

 

ከሁለት ሳምንት በኋላ ከሁለቱ አገራት የአገር መከላከያ አባላት የተውጣጡ ባለሙያዎች በገዳሪፍ ሱዳን በመገናኘት የፕሮቶኮሉን አፈጸጸም፣ የጋራ ኃይሎቹ የሚሰፍሩባቸውን ቦታዎችና ሌሎች ዝርዝር ጉዳዮችን በተመለከተ ስብሰባ እንደሚያደርጉ ተገልጿል፡፡

 

ከስብሰባው ጎን ለጎን ጠቅላይ ኢታማዦር ሹም ጄኔራል ሰዐረ መኮንን የሱዳኑን ፕሬዝዳንት ኦማር ሃሰን አልበሽርን ጋር ተወያይተዋል።

 

በሁለቱ ተቋማት በኩል የተደረገው ስምምነት በጋራ ድንበር ላይ ሰላምን ከማስፈን ባለፈ ሌሎች ህገ ወጥ ተግባራትን ለመቆጣጠር እንደሚያስችል ፕሬዝዳንት አል በሽር ገልጸዋል።

ምንጭ፡- የው/ጉ/ሚ