Back

በጋምቤላ ክልል በህገ ወጥ መንገድ ሲንቀሳቀሱ የነበሩ የከፍተኛ ትምህርት ተቋማት እንዲ ታገዱ ጥሪ ቀረበ

መጋቢት 6/ 2011

በጋምቤላ ብሔራዊ ክልላዊ መንግስት በከፍተኛ ትምህርት አግባብነት ና ጥራት ኤጄንሲ የእውቅና አሰጣጥ  ስርአት ውስጥ ገብቶ ከኤጀንሲው በየትኛውም አይነት የትምህርት አሰጣጥ ስልት ፈቃድ ያገኘ አንድም የግል ከፍተኛ ትምህርት ተቋም በሌለበት ሁኔታ  ቁጥራቸው በርከት ያሉ ተቋማት ከህግና ከመመሪያ ውጭ በራሳቸው ፈቃድ ፕሮግራሞችን ከፍተው ተማሪዎችን ተቀብለው እያስተማሩ እንደሚገኙ በተደረገው ማጣራት ለማወቅ ተችሏል።

ማንኛውም የትምህርት ተቋም የእውቅና ፈቃድ እንዲሰጠው ኤጄንሲውን መጠየቅ ሲገባው ህግን ተላልፎ ከኤጄንሲው እውቅና ውጪ የሚደረግ የተማሪ ምዝገባ በትምህርት ጥራት ላይ አሉታዊ ተፅእኖ የሚያስከትል ከመሆኑም በላይ የትምህርት ማስረጃው ህገ ወጥና ተቀባይነት የሌለው መሆኑን ነው የከፍተኛ ትምህርት አግባብነትና ጥራት ኤጀንሲ  ያስታወቀው ።

የክልሉ መንግስት በክልሉ በህገ ወጥ መንገድ የከፍተኛ ትምህርት የሚያስተምሩ ተቋማት እንዳሉ በማወቅ አስፈላጊውን ህጋዊ እርምጃ  እንዲወስድ የከፍተኛ ትምህርት አግባብነትና ጥራት ኤጀንሲ  ጥሪ አቅርቧል።

ዘገባው  የከፍተኛ ትምህርት አግባብነትና ጥራት ኤጀንሲ  ነው