Back

በአውሮፓ ለገበያ የሚቀርቡ ተሸከርካሪዎች የፍጥነት መቆጣጠሪያ ቴክኖሎጂ ሊጠቀሙ ነው

መጋቢት 18፤2011 ዓ.ም

እ.አ.አ ከ2022 ጀምሮ የአውሮፓ ህብረት ከስምምነት እንደደረሰ ሁሉም በአውሮፓ ለገበያ የሚቀርቡ ተሸከርካሪዎች የፍጥነት መቆጣጠሪያ ቴክኖሎጂ እንዲጠቀሙ መታቀዱን የመንገድ ደህንነት ተሟጋቾች አደነቁ፡፡

የመንገድ ደህንነት ተሟጋቾች እርምጃውን የሺዎችን ህይወት የሚታደግ ሲሉ በአድናቆት ገልፀውታል፡፡

የእንግሊዝ የተሽከርካሪዎች ጥራት ማረጋገጫ ኤጀንሲ እንግሊዝ ከአውሮፓ ህብረት ከወጣች በኋላ ህብረቱ በአዎጣው መመዘኛ መሰረት ተሽከርካሮችን ለገቢያ እንደሚያቀርብ ገልጿል፡፡

ብሬክ የተባለው የመንገድ ደህንነት በጎ አድራጎት ድርጅት ውሳኔውን “ትልቅ የውሳኔ ምዕራፍ ”ሲል አሞካሽቶታል፡፡

በአውሮፓ ኮሚሺን የፀደቁት እነዚህ የተሽከርካሪ የደህንነት መቆጣጠሪያ እርምጃዎች የፍጥነት መቆጣጠሪያና የሌን -መቆጣጠሪያ ቴክኖሎጂ የድንገተኛ ጊዜ ፍሬንን ያጠቃልላል፡፡

ህብረቱ በ2038 140 ሺህ የተሽከርካሪ አደጋዎችን ለማስቀረትና በ2050 ደግሞ በቀጠናው አገራት በፍጥነት ምክኒያት የሚደርሱ የተሽከርካሪ አደጋዎችን ዜሮ ለማድረስ እቅድ ይዞ እየሰራ መሆኑን ገልጿል፡፡

የህብረቱ ኮሚሽነር ኤልዛቤታ ቤንኮውስካ “በየአመቱ እንደዋዛ 25 ሺህ ወገኖቻችን በየጎዳናው እያጣን ነው ብለው ፤አብዛኛው አደጋ የሚፈጠረው ደግሞ በሰው ምክኒያት ነው”ብለዋል፡፡

የአውሮፓ ህብረት የትራንስፖርት ደህንነት ምክር ቤት በበኩሉ ርምጃውን አድንቆ ነገር ግን ህጉ ከወጣ ወራቶች ቢቆጠሩም እስካሁን ወደ ተግባር አልመገባቱን አውስቷል፡፡

የፍጥነት መቆጣጠሪያ መሳሪያው ካሜራንና ጅፒኤስ የሚጠቅም ይሆናልም ተብሏል፡፡
ምንጭ፡-ቢቢሲ