Back

አውስትራሊያ የማህበራዊ ሚዲያ ኩባንያዎችን የሚቀጣ አዲስ ህግ አወጣች

መጋቢት 26፣ 2011 ዓ.ም

የአውስትራሊያ ምክር ቤት የማህበራዊ ሚዲያ ኩባንያዎችን ግጭት ቀስቃሽና ቀውስ የሚፈጥሩ መረጃዎችን የማያስወግዱ ከሆነ በገንዘብና በእስር የሚቀጣ አዲስ ህግ እንዳወጣች ተነግሯል፡፡

በህጉ መሠረት ጉዳት የሚያደርሱ ወይም ግጭት ቀስቃሽ ይዘት ያላቸውን መረጃዎች በማህብራዊ የተስስር ገጾች ሲለቀቁ በፍጥነት የማይስወግዱ የማህበራዊ ሚዲያ ኩባንያዎች ከዓመታዊ ጠቅላላ የሽያጭ ገቢያቸው 10 በመቶ እንዲከፍሉ ይደረጋል።

ከዚህ በተጨማሪ የኩባንያዎቹ ሃላፊዎች ለተፈጸመው ጥፋት እስከ 3 ዓመት እስር እንደሚጠብቃቸው ነው አውስትራሊያ ባወጣቸው ህግ የተጠቀሰው።

ሀገሪቱ አዲሱን ህግ ያወጣችው ከሁለት ሳምንት በፊት አንድ የታጠቀ የነጭ አክራሪ ግለሰብ በክራይስትቸርች ከተማ በሚገኙ ሁለት መስጊዶች ላይ ባደረሰ ጥቃት 50 ሰዎችን መግደሉን ተከትሎ ነው።

ግለሰቡ ጥቃቱን ሲያደርስ በፌስቡክ ቀጥታ ሲያስራጭ የነበረ ሲሆን መረጃው እስከሚሰረዝ ድረስ በቆየበት 1 ሰዓት ውስጥ በርካታ ሰዎች እንደተቀባበሉት ተነግሯል።
ጥቃት አድራሹ አውስትራሊያዊው የ28 ዓመት ወጣት ብሬንቶን ታራንት በቁጥጥር ስር ውሎ በግድያ ወንጀል የተከሰሰ ሲሆን ነገ ፍርድ ቤት እንደሚቀርብና ተጨማሪ ክሶች እንደሚጠብቁት ተሰምቷል፡፡

በመስጊዶቹ የተፈጸመውን ግድያ ተከትሎ ፌስቡክ፣ ጉግል፣ ዩቲዩብ በትስስር መረቦቻቸው የሚሰራጩ የግድያ፣ የስቃይ፣ የአስገድዶ መድፈር ቪዲዮዎችን እና ፎቶ ግራፎችን በፍጥነት ካላስወገዱ እንደ ጥቃት አድራሽ ይቆጠራሉ ነው የተባለው።

ምንጭ፦ሮይተርስ