Back

የፕሬዝዳንት አልበሽር ከስልጣን መልቀቅ አለመልቀቅ ሱዳንን ውጥረት ውስጥ ከቷታል

ሚያዚያ 03፣2011

ከሱዳኑ ፕሬዝዳንት ኦማር አልበሽር የስልጣን መልቀቅ  ጋር በተያያዘ የአገሪቱ ጦር መግለጫ  ይሰጣል ተብሎ እየተጠበቀ ነው፡፡

ለወራት ያህል በተቃውሞ ላይ የሰነበቱትን ሱዳናዊያን ተቃዋሚዎች ድምፅ እንደሚሰማ የአገሪቱ ጦር ይፋ ማድረጉን ተከትሎ ፣ የፕሬዝዳንት አልበሽር እጣ ፈንታ እስከአሁን አልታወቀም፡፡

የአገሪቱ መከላከያ ኃይልም በዛሬው ዕለት በጉዳዩ ዙሪያ መግለጫ እንደሚሰጥ አስታውቋል፡፡

ባለፈው ህዳር ነበር ሱዳናዊያኑ የፕሬዝዳንት አልበሽር አገዛዝ ሊበቃን ይገባል በሚል ተቀውሟቸውን የጀመሩት፡፡

ተቃዋሚዎቹ  ከአደባባይ ወደ ቤት አንገባም ብለው መዋል ማደር ከጀመሩ ስድሰተኛ ቀን አንዳስቆጠሩም ተነግሯል፡

አልጀዚራ እንደዘገበው የካርቱም ከተማ በአሁኑ ጊዜ በፀጥታና ወታደራዊ ኃይሎች ተሞልታለች፡፡

ፕሬዝዳንት ኦማር ሀሰን አልበሸር  እ.ኤ.አ በ1989 ነበር በመፈንቀለ መንግስት ወደ ስልጣን የመጡት፡፡

ምንጭ- አልጀዚራ