Back

የዊኪሊክስ መስራቹ ጁሊያን አሳንጄ ለንደን ላይ በቁጥጥር ስር ዋለ

ሚያዚያ 03፣2011

የዊኪሊክስ መስራቹ ጁሊያን አሳንጄ ለንደን  በሚገኘው የኢኳዶር ኢምባሲ  በቁጥጥር ስር ዋለ፡፡

አሳንጄ በኢኳዶር ኢምባሲ ጥገኝነት ጠይቆ መኖር የጀመረው ከ7 ዓመት በፊት ኃላ ላይ ውድቅ የሆነውና  በስውዲን ወሲባዊ ጥቃት ፈፅመሃል በሚል የቀረበበትን ክስ ለማምለጥ ነበር፡፡

የለንደን ከተማ ፖሊስ  አሳንጅን በቁጥጥር ስር አውሎ ወደ ማረፊያ መውሰዱንና በአፋጣኝ ፍርድ ቤት እንደሚቀርብ  አስታውቋል

ጁሊያን አሳንጄ  በድርጅቱ ዊክሊክስ  አማካኝነት አሜሪካ በኢራቅና በአፍጋኒስታን ባደረገችው ጦርነት ፈፅማችዋለች የተባሉ ወንጀሎችን የያዙ ኮምፒውተሮችን  የይለፍ ቃል በመስበር ለአለም አጋልጧል በሚል ጥርስ ተነክሶበታል፡፡

ላለፉት 7 ዓመታት አሳንጅን ጥገኝነት ሰጥታ አስጠልላው የነበረችው ኢኳዶርም የአገሪቱን ፕሬዝዳንት የግል ሚስጥር ጭምርና በውጭ ጉዳይ ፖሊሲዋ ላይ ጣልቃ ገብቷል በሚል  አሳልፋ እንደምትሰጠው ገልፃ ነበር፡፡

ምንጭ፡-ቢቢሲ