Back

ሁለት የፌዴራል ፖሊስ አባላት ስልካቸው በችሎት በመጮሁ ዛሬ ፍርድ ቤት ይቀርባሉ

በትላንትናው ዕለት በቁጥጥር ስር ውለው በችሎት የሚመላለሱ ተጠርጣሪዎችን አጅበው የመጡ ሁለት የፌዴራል ፖሊስ አባላት ማስጠንቀቂያ ቢሰጣቸውም ስልካቸው በተደጋጋሚ በመጮሁ የፌደራሉ ከፍተኛ ፍርድ ቤት 10ኛ የወንጀል ችሎት የፖሊስ አባላቱ ትጥቃቸውን ፈተው ዛሬ ፍርድ ቤት እንዲቀርቡ ትእዛዝ ሰጥቷል።

 

ከግዥ ጋር በተያያዘ የሙስና ወንጀል ፈፅመዋል በሚል ተጠርጥረው በቁጥጥር ስር የዋሉትን የቀድሞ የስራ ሃላፊዎችን ጉዳይ ለመከታተል አዳራሹን ሞልቶ የነበረው ችሎት በርካታ ስልኮች በመጮሃቸው ችሎቱ ሲታወክ እንደነበር ተገልጿል።

 

የፖሊስ አባላት ትጥቃቸውን ፈተው በዛሬው ዕለት ፍርድ ቤት እንዲቀርቡ ትእዛዝ ሰጥቷል።

 

ችሎቱ ለሁሉም ታዳሚዎች በተደጋጋሚ ስልክ እያስጮሁ የችሎት ሂደቱን እንዳያውኩ ትእዛዝ ቢሰጥም ለውጥ ባለመምጣቱ ለማስጠንቀቂያ 3 ስልክ የጮኸባት አንዲት ሴትም ለተወሰኑ ሰዓታት በህግ ቁጥጥር ስር መዋሏ ተገልጿል።

 

ሪፖርተር ጥላሁን ካሳ