Back

ባህላዊ የወርቅ አምራቾች ለብሔራዊ ባንክ የሚያቀርቡት ወርቅ ክምችት መቀነሱ ተገለፀ

ሚያዚያ 16፣2011

በባህላዊ መንገድ ተመርቶ ለብሄራዊ ባንክ የሚያቀርበው የማዕድን መጠን መቀነሱን የማዕድንና ነዳጅ ሚኒስቴር አስታወቀ፡፡

በባህላዊ መንገድ ማዕድን የማምረት ስራ ለአገራዊ ምጣኔ ሀብቱ የሚያበረክተው አስተዋፅኦ በተያዘው የበጀት ዓመት ክፍተት አሳይቷል ብሏል ሚኒስቴሩ፡፡

የማዕድንና ነዳጅ ሚኒስቴር ከፍተኛ ባለሙያ አቶ ኪሮስ አለማየሁ እንደተናገሩት ዘርፉ እያሳየው ያለው አበርክቶ መቀዛቀዝ ቢያሳይም ከ1.5 ሚሊዮን በላይ ለሚሆኑ ዜጎች በቀጥታም ሆነ በተዘዋዋሪ የስራ እድል ፈጥሯል፡፡

በተለይም በዘርፉ ባህላዊ የወርቅ አምራቾች በበጀት ዓመቱ ለብሔራዊ ባንክ እያቀረቡት ያለው ወርቅ ዝቅተኛ መሆኑ ጠቁመዋል፡፡

በዚህም፣ አምራቾችን ከብሔራዊ ባንክ ጋር ለማገናኘት ማዕከላትን የመገንባትና ለህብረተሰቡን ግንዛቤ በመፍጠር ትስስሩን ለማጠናከር ጥረት በመደረግ ላይ መሆኑን አቶ ኪሮስ ገልፀዋል፡፡

የዘርፉን ችግር ለመፍታት ከፖሊሲ ማርቀቅ ጀምሮ የተለያዩ ማሻሻያዎችን ለማድረግ  በእቅድ እየተሰራ መሆኑም ተመልክቷል፡፡

በዮሴፍ ለገሰ