Back

የቀድሞው የኢፌዴሪ ፕሬዝዳንት ዶ/ር ነጋሶ ጊዳዳ በጀርመን አረፉ

ሚያዚያ 19፣2011

የቀድሞው የኢፌዴሪ ፕሬዝዳንት ዶ/ር ነጋሶ ጊዳዳ በ76 ዓመታቸው በጀርመን አገር ማረፋቸው ታውቋል።

የኦሮሚያ ክልል መንግስት ኮሙኒኬሽን ቢሮ ኃላፊ አቶ አድማሱ ዳምጠው ለኢቲቪ እንደገለፁት ዶ/ር ነጋሶ ባደረባቸው ሕመም በጀርመን አገር ሕክምና ሲከታተሉ ነበር።

ዶ/ር ነጋሶ ከ1987 ዓ.ም ጀምሮ ለ7 ዓመታት አገራቸውን በፕሬዝዳንትነት አገልግለዋል፡፡

ስራ ላይ ያውን ህገ መንግስት በማርቀቅ ሂደት ተሳትፎ የነበራቸው ዶ/ር ነጋሶ ጊዳዳ፣በ1997 ዓ.ም በተካሄደው ምርጫ ላይ በደንቢ ዶሎ የግል ተወዳዳሪ በመሆን በፓርላማ አባልነትም አገልግለዋል፡፡

በኢትዮጵያ የፖለቲካ ስርዓት የነቃ ተሳትፎ በማድረግ የኢትዮጵያ የዲሞክራሲ ጉዞ የተቃና እንዲሆን የበኩላቸውን አበርክተዋል፡፡

በተማሩት የታሪክ ትምህርትም እስከ ዶክትሬት ድግሪ በመድረስ ለአገርና ለአለም የሚተርፉ የጥናት ስራዎችን ማበርከታቸውም ይታወቃል፡፡የኦሮሞ ህዝብ ታሪክ የሚል ስራቸውም ተጠቃሽ አብርክቶ ሆኖ ይወሰዳል፡፡

የነጋሶ መንገድ በሚል የታተመው መፅሃፍ በህይወት ዘመናቸው ያሳለፏቸውን ውጣ ውረዶች ያየዘ ሆኖ በአንባቢያን እጅም ገብቷል፡፡

ዶ/ር ነጋሶ ጊዳዳ 1935 ነበር በወለጋ ደሚብዶሎ እንደተወለዱ ታሪካቸው ይናገራል፡፡