Back

በህክምና ዘርፍ የሚታዩ ችግሮች እንዲፈቱላቸው የህክምና ባለሙያዎች ጥያቄ አቀረቡ

ሚያዝያ 26፣2011
በተለያየ መልኩ በህክምና ዘርፍ የሚታዩ ችግሮች እንዲፈቱላቸው የህክምና ባለሙያዎች መንግስትን ጠየቁ፡፡

3ሺ የሚጠጉ የጤና ባለሙያዎች ከጠቅላይ ሚኒስትር ዶ/ር ዐቢይ አህመድ ጋር በዛሬው ዕለት መክረዋል፡፡

በዘርፉ የሚታዩ ችግሮችንም በተመለከተ ለጠቅላይ ሚኒስትሩ ጥያቄዎችን አንስተዋል፡፡

ለተነሱት ጥያቄዎች ምላሽ የሰጡት ጠ/ሚ ዶ/ር ዐቢይ አህመድ በሀገራዊ ለውጡ ምክንያት መንግስት በተለያዩ ሀገራዊ አጀንዳዎች ውስጥ በመሆኑ እንጂ የህክምናውን ዘርፍ አልተረሳም ብለዋል፡፡

የህክናውን ዘርፍ ለማዘመን መንግስት ትኩረት ሰጥቶ እየሰራ ነው ብለዋል፡፡

ለአብነት የሕክምና ቱሪዝምን ለማበረታታት ስድስት የተለያዩ ተቋማትን የማደራጀት ሥራ መሰራቱ፣የሕክምና ግብዓት ግዥ ሂደትን የማሻሻል ፣ የመንግሥትና የግል ሽርክናን በማሳለጥ ስድስት የሕክምና አምራች ኢንዱስትሪዎች መሰናዳታቸው፣ 4200 የሚሆኑ መኖሪያዎች በመላው ሀገሪቱ በሚገኙ በ340 የጤና ተቋማት ውስጥ መገንባታቸው ለዘርፉ በፓርላማ ከተመደበው በተጨማሪ 130 ቢሊዮን ብር በጀት መመደቡ የተሰጠውን ትኩረት የሚያሳይ ነው ብለዋል::

የህክምና ባለሙያው በተለያዩ መልኩ የሚያነሳቸውን የደሞዝ ጥቅማጥቅም እና ሌሎች ጉዳዮችም መንግስት ከግምት ውስጥ አስገብቶ እየሰራ መሆኑን ጠቅላይ ሚኒስትሩ ገልፀዋል፡፡

በባለሙያዎቹ የቀረቡ ጥያቄዎችና አስተያየቶች መንግስት ለፖሊሲ ግብዓትነት እንደሚጠቀምባቸውም አስታውቋል፡፡
በብሩክ ተስፋዬ