Back

የሚጣሉ ትራፊ ምግቦች ከፕላስቲክ የበለጠ ለአየር ንብረት ለውጥ አስተዋፅዖ እንዳላቸው አንድ ጥናት አመለከተ

ዜሮ ዌስት ስኮትላንድ የተባለ ድርጅት የሚጣሉ ትራፊ ምግቦች ከፕላስቲክ የበለጠ ለአየር ንብረት ለውጥ አስተዋፅዖ እንዳላቸው አመልክቷል፡፡

ድርጅቱ እንዳለው አያስፈልጉም በሚል የሚጣሉ ትራፊ ምግቦች ሲበሰብሱ ሚቴን የተባለ በካይ ጋዝ ወደ ከባቢ አየር የመልቀቅ መጠናቸው  ከፍተኛ ነው፡፡

ይህም ከካርቦንዳይኦክሳይድ ወይም ከተቃጠለ አየርና ከፕስቲክ በእጥፍ ጎጂና ለአየር ንብረት ለውጥ ከፍተኛ አስተወፅዖ አላቸው ነው የተባለው፡፡

ህብረተሰቡ አላስፈለጊ የምግብ ብክነትን ለማስቀረትና ወደ ከባቢ አየር የሚለቀቀዉን በካይ ጋዝ መጠን ለመቀነስ ምግቦችን በጥንቃቄ ሳይበላሹ በፊሪጅ የመጠቀም ባህል ማዳበር አለበት በሏል ድርጅቱ፡፡

ሰዎች እየጨመረ የመጣዉን የአለም ሙቀት ለመቀነስ በፕላስቲክ ምርቶች ላይ ከሚያደርጉት ጥንቃቄ በተጨማሪ የሚወገዱ ትራፊ ምግችን መጠን መቀነስ ወይም ዳግም ጥቅም ላይ መዋል የሚችሉበትን ስልት መጠቀም አስፈላጊ መሆኑን  አስምሮበታል፡፡

ድርጅቱ ስኮትላንዳዊያን የምግብ አጠቃቀማቸዉን በእቅድ ማድረግ ከቻሉ እያንዳንዱ ቤተሰብ በያዓመቱ በዓማካይ 440 ፓዉንድ ለምግብ የሚወጣዉን ወጪ መዳን ይቻላል ብሏል፡፡

ምንጭ፡- ሄራልድ ስኮትላንድ