Back

በታዳጊ ወጣቶች የተሰራች አውሮፕላን ከኬፕታውን እስከ ካይሮ የተሳካ በረራ አደረገች

ሐምሌ 2 ቀን 2011 ዓ.ም

በደቡብ አፍሪካ ታዳጊ ወጣቶች የተሰራች አውሮፕላን ከኬፕታውን፣ ደቡብ አፍሪካ  በመነሳት ካይሮ፣ ግብጽ በተሳካ ሁኔታ ማረፏ ተነግሯል፡፡

አራት ሰዎች መጫን የምትችለው ይህች አነስተኛ አውሮፕላን በ20 ተማሪዎች የተገጣጠመች መሆኗ ተገልጿል፡፡

ከኬፕታውን፣ ደቡብ አፍሪካ በመነሳት ካይሮ፣ ግብጽ መዳረሻዋን ያደረገችው አውሮፕላኗ በ6 ሳምንት ጊዜ ውስጥ 12 ሺህ ኪሎ ሜትር ተጉዛለች ተብሏል፡፡

በዚሁ ጎዞዋ ወቅት አውሮፕላኗ በኢትዮጵያ፣ ናሚቢያ፣ ማላዊ፣ ዛንዚባር፣ ታንዛኒያና ኡጋንዳ በኩል ትራንዚት ማድረጓ ተመልክቷል፡፡

የአውሮፕላኗ ፓይለትና የ17 ዓመቷ ታዳጊ ሜጋን ዌርነር የጎዞው ዓላማ አዕምሮን ካሳመኑት ማንኛውንም ነገር ማድረግ እንደሚቻል ለአፍሪካዊያን ለማሳየት ነው ብላለች፡፡

ታዳጊዎቹ አውሮፕላኗን በሶስት ሳምንታት ውስጥ መስራት እንደቻሉም ነው የተነገረው፡፡

ምንጭ፦ ቢቢሲ