Back

በፌዴራሊዝም ላይ የሚነሱ ችግሮችን ለመፍታት በቂ ውይይት ማድረግ ይገባል ተባለ

ሐምሌ 2 ቀን 2011 ዓ.ም

በፌዴራሊዝም ስርዓት አወቃቀር ላይ የሚነሱ ጥያቄዎችን ለመመለስ በቂ ውይይት ማድረግ እንደሚገባ ተገለፀ፡፡

ጉዳዩን በተመለከተ የአዲስ አበባ ዩኒቨርስቲ ህግ ትምህርት ቤት ከብሔራዊ ምርጫ ቦርድ ጋር በጋራ ባዘጋጁት መድረክ ከተለያዮ ባለድርሻ አካላት ጋር ውይይት አካሂደዋል፡፡

በውይይቱ ላይ በቀረቡ ጥናታዊ ጽሑፎችም የተለያዮ የዓለም አገራት ልምዶች ተዳሰዋል፡፡

በተለይም የራስን እድል በራስ የመወሰንን ሂደት እስከ ታችኛው መዋቅር ሰፊ ውይይት በማድረግ መመለስ ካልተቻለ ዳግም ጥያቄ ማስነሳቱ እንደማይቀር ተወያዮቹ ተናግረዋል፡፡

ህገ-መንግስቱ በክልልነት ባዋቀራቸው አካባቢዎች አናሳ የሆኑ ብሔረሰቦች እንዳይበደሉ ተገቢ የሆነ ጥበቃ ሊደረግ እንደሚገባም አሳስበዋል፡፡

ሪፖርተር፦ አቤል ሙሉጌታ