Back

የኦሮሚያ ክልል ክልሉን የእንደስትሪንና የኢንቨስትመንት ማዕከል ለማድረግ እየሰራ መሆኑን ገለጸ

ሐምሌ 3 ቀን 2011

የኦሮሚያ ክልልዊ መንግስት የግሉን ዘርፍ በማበረታታትና በመደገፈ ክልሉን የኢንዱስትሪና የኢንቨስትመንት ማዕከል ለማድረግ እየሰራ ነው፡፡

የግሉን ዘርፍ እንቅስቃሴ ያለበትን ደረጃ በመገምገምና የቀጣይ የግሉ ዘርፍ ስራዎች ትኩረትን መቃኘት   አላማ ያደረገ የክልሉ ከፍተኛ አመራር ጉብኝትም ዛሬ በ9 ከተሞች ተካሄዷል፡፡

አመራሮች የተለያዩ የኢንቨስትመንት ቦታዎችን እንቅስቃሴ በመጎብኘት ከባለሀብቶቹና በየደረጃው ካሉ የየከተሞቹ አመራሮች ጋርም ተወያይተዋል፡፡

የግሉ ዘርፍ ሰፊ የስራ እድል በመፍጠርና የውጪ ምንዛሬን በማስገኘት በኩል አበረታች ስራ በማከናወን ላይ መሆኑም በጉብኝቱ ታይቷል፡፡

የኦሮሚያ ክልላዊ መንግስት ለግሉ ዘርፍ ክትትልና ድጋፍ በማድረግ የክልሉን ብሎም የአገሪቷን ኢኮኖሚ ለማሳደግና የህዝቡን ተጠቃሚነት ለማሳደግ በመስራት ላይ ይገኛል፡፡

ከግሉ ዘርፍ  የሚነሱ ችግሮችን በመለየትና በመፍታት ክልሉን የኢንቨስትመንትና የእንዱስትሪ ማዕከል ለማድረግ በትኩረት እንደሚሰራም በውይይቶቹና በጉብኝቶቹ ከባለሀብቶቹ ጋር የሀሳብ ልውውጥ በማድረግ መግባባት ላይ ተደርሷል፡፡

በተለያዩ የኢንቨስትመንት ዘርፎች የተሰማሩ ባለሀብቶችም በውላቸው መሰረት ስራቸውን በስፋትና በጥራት በማከናወን  በተለይ የህብረሰተቡን ተጠቃሚነት፣በስራ እድል ፈጠራና የክልሉን ገቢ በማሳደግ በኩል በትኩረት መስራት እንዳለባቸዉ ተጠቁሟል፡፡

ከህጋዊ አካሄድ ዉጪ በሚንቀሳቀሱትም ላይ የማስተካከያ እርምጃ ይወሰዳል፡፡

ምንጭ:- ኢዜአ