Back

በተከሰከሰው የኢትዮጵያ አውሮፕላን ውስጥ የነበሩት 157 መንገደኞች እና ሠራተኞ ዜግነታቸው ተለይቷል

መጋቢት 1/ 2011

የኢትዮጵያ አየር መንገድ ዋና ስራ አስፈፃሚ አቶ ተወልደ ገብረማሪያም ስለተከሰከሰው ቦይንግ 737 የኢትዮጵያ አየር መንገድ አውሮፕላን ለጋዜጠኞች መግለጫ ሰጥተዋል፡፡

በመግለጫው አውሮፕላኑን ሲያበር የነበረው ከ8 ሺህ ሰአታት በላይ የማብረር ልምድ ያለውና ጥሩ የበረራ ሪከርድ የነበረው ካፒቴን ያሬድ ሙሉጌታ ሲሆን ግማሽ ኢትዮጵያዊና በግማሽ ኢትዮጵያዊ እንደሆነ ተገልጿል፡፡

ረዳት አብራሪው አህመድ ኑር መሀመድ ኑር የሚባል ከ200 ሰአት በላይ የበረራ ልምድ ያለው አብራሪ ነበር፡፡

እንደ ዋና ስራ አስፈፃሚው ገለፃ አውሮፕላኑ ከተገዛ ገና 4 ወራትን ያስቆጠረና ምንም አይነች ችግር ያልነበረው ንፁህ አውሮፕላን ነበር፡፡  

በተከሰከሰው አውሮፕላን ላይ የነበሩ መንገደኞች ዝርዝር 32 ኬኒያውያን18 ካናዳዊያን፣ 9 ኢትዮጵያውያን፣ 8 ጣልያውያን፣ 8 ጋናውያን፣ 8 ቻይናዊያን፣ 8 አሜሪካውያን፣ 7 እንግሊዛውያን፣ 7 ፈረንሳውያን፣ 6 ግብፃውያን ሲሆኑ ከ5 የኔዘርላንዳውያን ውስጥ 4ቱ የተባበሩት መንግስታት ፓስፖት የያዙ መንገደኞች መሆናቸው ታውቋል፡፡

4 ህንዳውያን፣ 4 የስሎቫኪያ ዜጎች፣ 3 የኦስትሪያ ዜጎች፣ 3 ስዊድናውያን፣ 3 የራሻውያን፣ 2 የሞሮኮ ዜጎች፣ 2 የስፔናውያን፣ 2 ፖላንዳውያን፣ 2 እስራኤላውያን፣ 1 የቤልጄማዊ፣ 1 ኢንዶነዌዥያዊ፣ 1 ኡጋንዳዊ፣ 1 የሜናዊ፣ 1 ሱዳናዊ፣ 1 ሰርቢያዊ፣ 1 ቶጓዊ፣ 1 ሞዛንቢክ ዜጋ፣ 1 ሩዋንዳዊ፣ 1 ሶማሊያዊ፣ 1 ኖርዌያዊ፣ 1 የጅቡቲ ዜጋ፣ 1 አየርላንዳዊ፣ 1 የሳኡዲ ዜጋ እንደሆኑ ተገልጿል፡፡

በማትያስ የማነ