Back

የአዲስ አበባ ፖሊስ ኮሚሽን 184 አባላቱን ማሰናበቱን አስታወቀ

ጥር 03/2011

የአዲስ አበባ ፖሊስ ኮሚሽን 184 አባላቱን ማሰናበቱን አስታወቀ

የአዲስ አበባ ፖሊስ ኮሚሽን ከተቋሙ ተልኮ በተፃራሪ በተለያዩ የወንጀል ድርጊት የተሳተፉ እና የስነ-ምግባር ችግር ያለባቸውን 184 የፖሊስ አባላትን ከሰራዊቱ ማሰናበቱን አስታወቀ፡፡

ከህብረተሰቡ የተሰጡትን ጥቆማዎች እና ከሌሎች ባለድርሻ አካላት የደረሱትን መረጃዎች መነሻ በማድረግ መላው የፖሊስ አባላትን ያሳተፈ ግምገማ ማድረጉን ኮሚሽኑ ገልጿል፡፡

ይህንንም ተከትሎ ከኮሚሽኑ ተልዕኮ ተፃራሪ በመሆን በልዩ ልዩ ከባድ ወንጀል ላይ የተሳተፉ እንዲሁም ከፖሊሳዊ ስነ-ምግባር ውጭ ሲንቀሳቀሱ የነበሩ 184 የፖሊስ አባላት ከሰራዊቱ እንዲሰናበቱ ተደርገዋል ብሏል፡፡

በልዩ ልዩ የወንጀል ድርጊት ውስጥ ገብተው የተገኙ የፖሊስ አባለት በቁጥጥር ስር ውለው ምርመራ እየተጣራባቸው መሆኑን ኮሚሽኑ ከላከው መግለጫ ለመረዳት ተችሏል፡፡ 

ኮሚሽኑ ለስራው መሳካት ህብረተሰቡ እያደረገለት ስላለው ቀና ትብብር አመስግኖ የአገልገሎት አሰጣጥ ወይም የስነ-ምግባር ችግር ሲያጋጥመው በአቅራቢያው በሚገኙ ጣቢያዎች በአካል በመቅረብ ወይም በነፃ የስልክ መስመር 991 ወይም 01-11-11-01-11 በመደወል ጥቆማ እንዲሰጥ ጥሪ አቅርቧል፡፡