Back

ከአዲስ አበባ ወደ ናይሮቢ ሲበር የነበረ የኢትዮጵያ አየር መንገድ ቦይንግ 737 አውሮፕላን ተከሰከሰ

መጋቢት 1/ 2011

ዛሬ ጠዋት ከአዲስ አበባ ወደ ናይሮቢ 2:38 ደቂቃ ላይ 149 መንገደኞችና 8 የበረራሰራተኞችን ይዞ ሲበር የነበረ የኢትዮጵያ አየር መንገድ ቦይንግ 737 አውሮፕላን ተከሰከሰ፡፡

አይሮፕላኑ በረራ ከጀመረ ከ6 ደቂቃ በኅላ ከዋናው በረራ መቆጣጠርያ ጋር የነበረው ግንኙነት ምክንያቱ ባልታወቀ ሁኔታ መቋረጡን የኢትዮጵያአየር መንገድ አስታውቋል፡፡

አየርመንገዱ ለኢቲቪ በላከው መግለጫ አውሮፕላኑ የተከሰከሰው ቢሸፍቱ አካባቢ ነው፡፡

ከአዲስ አበባ ወደ ናይሮቢ ሲበር የነበረው የኢትዮጵያ አየርመንገድ ቦይንግ 737 ላይ በደረሰው አደጋ የሁሉም መንገደኞችና የበረራ ሰራተኞች ህይወት ማለፉ ተገለፀ::

አውሮፕላኑ በተከሰከሰበት ስፍራ በአካል የተገኙት የአየር መንገዱ ዋና ስራ አስፈፃሚ አቶ ተወልደ ገብረማሪያም ከአደጋው አንድም ሰው እንዳልተረፈ አረጋግጠዋል፡፡

ተሳፋሪዎቹ ከ33 ሀገራት የተውጣጡ መሆናቸውን የኢትዮጵያ አየር መንገድ ገልጿል::

የጠቅላይ ሚኒስትር ፅህፈት ቤትም ባወጣው መግለጫ በደረሰው አደጋ የተሰማውን ሀዘን ገልጿል::

በአደጋው ቤተሰቦቻቸውን ላጡ ሁሉ በመንግስትና በኢትዮጵያ ህዝብ ስም መፅናናት ተመኝቷል፡፡