Back

ቦይንግ 737 ማክስን ያገዱ አገራት ቁጥር እየጨመረ ነው

መጋቢት 3/ 2011

የኢትዮጵያ አየር መንገድ ቦይግ 737 ማክስ አሮፕላን እሁድ እለት ተከስክሶ 157 ሰዎችን ህይወት መቅጠፉን ተከትሎ የተለያዩ አገራት ያሏቸው ተመሳሳይ አውሮፕላኖች በጊዜያዊነት ከአገልግሎት ውጭ እንዲሆኑ እያደረጉ ነው፡፡

አውስትራሊያ እና እንግሊዝ ቦይግ 737 ማክስ ያገዱ አገራት ዝርዝርን ተቀላቅለዋል፡፡

ከዚህ በፊት ኢትዮጵያን ጨምሮ ሲንጋፖር፣ ኢንዶኔዥያ፣ ቻይና፣ ደቡብ አፍሪካ፣ ካንቦዲያ እና ሜክሲኮ ናቸው

በርከት ያሉ የአር መንገዶች ቦይንግ 737-8 ማክስ አውሮፕላኖች መጠቀምን በጊዜያዊነት ማቆማቸውን ተከትሎ የቦይንግ ኩባንያ የአክስዮን ዋጋ ቅናሽ ማሳየቱ ነው የተነገረው።

በትናንትናው እለትም የቦይንግ የአክሲዮን ዋጋ በ13 በመቶ ቅናሽ ማሳየቱን በረጃዎች ይጠቁማሉ፡፡

በአሜሪካ አየር መንገዶች አውሮፕላኑን አሁንም አገልግሎት እየሰጠ እንደሚገኝና አስተማማኝነቱ የተረጋገጠ ነው የሚሉ መግለጫዎች እየወጡ መሆኑ ተገልጿል፡፡

ምንጭ፡- ሮይተርስ