Back

በአሜሪካ የቦይንግ 737 አውሮፕላን ከማኮብኮቢያው ወጥቶ ወንዝ ውስጥ በመግባቱ ጉዳት ደረሰበት

ሚያዝያ 26፣2011

ቦይንግ 737-800 አውሮፕላን   በፍሎሪዳ ለማርፍ ሲንደረደር ወንዝ  ገብቶ   በ21  መንገደኞች ላይ ቀላል ጉዳት ደርሶባቸዋል፡፡

አውሮፕላኑ በትላንትናው ዕለት ከኩባ ጓንታናሞ ቤይ 143 ሰዎችን አሳፍሮ  በፍሎሪዳ አንደ ወታደራዊ ማዘ ጣቢያ ላይ ለማረፍ ሲመከር ከማኮብኮቢያው ወጥቶ ወንዝ በመግባቱ ነው አደጋው የደረሰበት፡፡
የሚያሚ ኤር ኢንተርናሽናል ንበረት የሆነው  የቻርተር አገልግሎት ሰጨው አውሮፕላን አደጋው የገጠመው፣በወቅቱ መብረቅና ነጎድጓድ ቀላቅሎ ሲጥል የነበረው ከባድ ዝናብ በማረፍ ላይ የነበረውን አውሮፕላን መስመሩን ለቆ እንዲወጣ በማድረጉ መሆኑን ሮይተርስ ዘግቧል፡፡
አስተያያታቸውን ለቢቢሲ የሰጡ የአውሮፕላኑ ተሳፋሪ የአይን እማኞች እንደገለፁት ደግሞ  “አውሮፕላኑ ካረፈ በኃላ ተመልሶ ሲነጥር ክፉኛ ያስፈራ ነብር ፣አብራሪው ለማቆም አዳግቶት እንደነበር በግልፅ ያስታውቅ ነበር” ብለዋል፡፡ 
በዚህም አሳፍሯቸው ከነበረው መንገደኞች  ከ21 ሰዎች  ቀላል ጉዳት በስተቀር ሁሉም  በሰላም ከአውሮፕላኑ መውጣታቸው ተነግሯል፡፡
ተጎጅዎች ወዲያውኑ ወደ ሆስፒታል ተወስደው  በመልካም ሁኔታ ላይ  እንደሚገኙ ተገልጿል።
ምንጭ፡- ሮይተርስና ቢቢሲ