Back

81 የቡና ላኪዎች ፈቃድ ቡናን ለውጭ ገበያ እንዳያቀርቡ ታገደ

መጋቢት 25፣2011

81 የቡና ላኪዎች በኢትዮጵያ ምርት ገበያ እንዳይገበያዩ ማገዱን የኢትዮጵያ ቡና እና ሻይ ባለስልጣን አስታወቀ።

ባለስልጣን መስሪያ ቤቱ የቡና ላኪዎቹን ፍቃድ ያገደው በገቡት ውል መሰረት በተቀመጠው ግዜ ቡናን ወደ ውጭ ባለመላካቸው ነው፡፡

ይህም እንደ ውል ማፍረስ የሚቆጠር በመሆኑ በ81 የቡና ላኪዎቹ ላይ እገዳው ተጥሎባቸዋል ብሏል ባለስልጣኑ።

 

ውሳኔውም የኢትዮጵያን ቡና በዓለም አቀፍ  ገበያ ጥራት እንዲሁም ያልተቆራረጠ የቡና ምርት በማቅረብና የቡናውን ምርት ምንጭ ለማመላከት የሚደረገውን ስራ የሚያግዝ መሆኑን ባለስልጣኑ ለኢቲቪ አስታውቋል፡፡

 

በመሆኑም የቡና ላኪ ድርጅቶቹ ከመጋቢት 6 ቀን፣ 2011 ጀምሮ በኢትዮጵያ ምርት ገበያ እንዳይገበያዩ ታግደዋል ብሏል፡፡

 

እገዳው የግል ቡና ላኪዎች ፣ የህብረት ስራ ዩኒየኖች ቡና ላኪዎች እና በመንግሥት የሚተዳደሩ የቡና ላኪ ድርጅቶችን የሚያጠቃልል እንደሆነ ባለስልጣኑ ገልጿል።

   

የቡና ላኪዎቹ በገቡት ውል መሰረት ለውጭ ገበያ ያልላኩበትን በቂ ምክንያት ሲያቀርቡ እገዳው እንደሚነሳላቸውም ባለስልጣኑ አስታውቋል።

በማትያስ የማነ