በኦሮሚያና በኢትዮጵያ ሱማሌ ክልሎች መካከል የተፈጠረው ችግር መረጋጋቱን የመንግሥት ኮሙኒኬሽን ጉዳዮች ፅሕፈት ቤት ገለጸ

መስከረም 3፣2010

በኦሮሚያና በኢትዮጵያ ሱማሌ ክልሎች መካከል የተፈጠረው ችግር መረጋጋቱን የመንግሥት ኮሙኒኬሽን ጉዳዮች ፅሕፈት ቤት ኃላፊ ሚኒስትር ዶክተር ነገሪ ሌንጮ ገለፁ፡፡

በትናንትናው ዕለት በሁለቱ ክልሎች አዋሳኝ አካባቢ በተፈጠረው ግጭት ምክንያት ከጅግጅጋና አወዳይ ከተሞች 6ዐዐ ያህል ነዋሪዎች ወደ ሐረር ከተማ ሸሽተው ገብተው ነበር፡፡

ይሁን እንጂ በዛሬው ዕለት የአገር መከላከያ ሠራዊትና የፌዴራል ፖሊስ ከሁለቱም ክልሎች አመራሮች ጋር በመሆን ግጭቱን መቆጣጠር መቻላቸውን ሚኒስትሩ ገልፀዋል፡፡

የሁለቱን ክልሎች ተወላጆች ወደየመጡበት ከተማ የመመለስ ሥራም ተጀምሯል፡፡

በአሁኑ ሰዓት በአካባቢው የተከሰተውን ወቅታዊ ችግር የመፍታት አቅም ያላቸው የሁለቱ ክልሎች ሕዝብና አመራሮች በመሆናቸው ትኩረት ሰጥተው ሊሰሩ እንደሚገባ ሚንስትሩ አሳስበዋል፡፡

መረጃውን ያገኘነው ከመንግሥት ኮሙኒኬሽን ጉዳዮች ፅሕፈት ቤት ድረ ገፅ ነው፡፡