Back

የአፍሪካ ልማት ባንክ ለኢትዮጵያ እያደረገ ያለው ድጋፍ ማህበራዊና ኢኮኖሚያዊ ፋይዳው የጐላ መሆኑን ገለፀ

መስከረም 3፣2010

የአፍሪካ ልማት ባንክ ለኢትዮጵያ እያደረገ ያለው ድጋፍ ማህበራዊና ኢኮኖሚያዊ ፋይዳው የጐላ መሆኑን የባንኩ የሰባት የምስራቅ አፍሪካ አገሮች ሥራ አስፈፃሚ ዳይሬክተር ገለፁ፡፡

ባንኩ በገንዘብ የሚደግፈውን የሞምባሳ ናይሮቢ አዲስ አበባ አስፋልት መንገድ ግንባታና የሃይል ማስተላለፊያ ኘሮጀክትን ዳይሬክተሩ ጐብኝተዋል፡፡

የባንኩ የሰባት የምስራቅ አፍሪካ አገሮች ሥራ አስፈፃሚ ዳይሬክተር ዶክተር ካሌብ ከጉብኝቱ በኋላ በሰጡት መግለጫ እንደገለጹት፤ ባንኩ ለኢትዮጵያ 1 ነጥብ 6 ቢሊዮን ዶላር በብድርና በስጦታ በማቅረብ 22 ፕሮጀክቶችን ተግባራዊ እያደረገ ይገኛል።

እንደ ሥራ አስፈጻሚ ዳይሬክተሩ ገለጻ በተለይ ኢትዮጵያን ከኬኒያ ጋር የሚያገናኛት የሞምባሳ -ናይሮቢ-አዲስ አበባ የመንገድ ኮሪደር ግንባታ ተጠቃሽ ነው። 

750 ኪሎ ሜትር የሚረዝመው መንገዱ ከአገረ ማሪያም እስከ ሞያሌ ግንባታው የተጠናቀቀ ሲሆን ከአዋሳ እስከ አገረማሪያም ደግሞ ግንባታው እየተከናወነ ነው።    

ግንባታው የኢትዮጵያና ኬኒያ የንግድ ግንኙነትን የሚያጠናክርና የሁለቱ የአፍሪካ ቀንድ አገራት ግዙፍ ኢኮኖሚ እርስ በእርስ እንዲደጋገፍም ያደርጋል ብለዋል።  

መንገዱ ሲጠናቀቅ ኢትዮጵያን ከምስራቅ አፍሪካ አገራት ጋር በቀላሉ የሚያገናኝና የቀጣናውን ኢኮኖሚያዊ ውህደት የበለጠ ለማፋጠንም ጠቀሜታው የጎላ መሆኑን ተናግረዋል።   

በኬንያ በኩል ያለው የመንገዱ ግንበታ የተጠናቀቀ ሲሆን በኢትዮጵያ በኩል ያለውም በአንድ ዓመት ጊዜ ውስጥ እንዲጠናቀቅ ባንኩ ክትትል እንደሚያደርግም አረጋግጠዋል። 

በባንኩ ድጋፍ እየተከናወኑ ከኢትዮጵያ ወደ ጂቡቲና ኬኒያ እየተዘረጉ የሚገኙ የኤሌክትሪክ ማስተላለፊያ መስመሮችም በተሻለ መልኩ እየተከናወኑ መሆኑን አብራርተዋል።  

ኢትዮጵያ ከአፍሪካ ልማት ባንክ ብድርና እርዳታ በመጠቀም ከአህጉሪቷ ከናይጄሪያ ቀጥላ ሁለተኛ ደረጃ ላይ መቀመጧን ኢዜአ ዘግቧል።


ጠቅላይ ሚንስትር ኃይለማርያም ደሳለኝ ከዴንማርኩ አቻቸው ጋር ተወያዩ

የሰሜን ተራሮች ብሔራዊ ፓርክ በአካባቢው ነዋሪዎች ጥበቃ እየተደረገለት ነው

የመምህራኑ ውይይት በትምህርትና ሥልጠናው ዘርፍ የተያዙ ግቦችን በጋራ ለመፈፀም ያስችላል:- ት/ ሚኒስቴር

የሱዳን ካራሪ ዩኒቨርስቲ ለኢታማዦር ሹም ጀኔራል ሳሞራ የኑስ የክብር ዶክትሬት ሰጠ

የኦማን ሞተር ሳይክለኞች በኢትዮጵያ ባለው ሰላም መደነቃቸውን ገለፁ

ኢትዮጵያ በአፍሪካ ከፍተኛ ኢንቨስትመንት መዳረሻ ከሆኑ አምስት የአፍሪካ አገራት አንዷ ናት-ራንድ መርቻንት ባንክ

ለኢትዮጵያ ከተሞች ዘመናዊ የመሬት መረጃ ምዝገባ የሚረዳ የሥልጠናና የቁሳቁስ ድጋፍ ተደረገ

በኦሮሚያ በኢትዮጵያ ሶማሌ ክልል አዋሳኝ አካባቢዎች ላይ የተከሰተው ግጭት የሁለቱ ህዝቦች እሴት የሚገልፅ አይደለም:- የግጭቱ ተፈናቃዮች

ደኢህዴን በመልካም አስተዳደርና በወጣቶች ተጠቃሚነት ላይ ትኩረት ሰጥቶ እንደሚሰራ አስታወቀ