Back

ደሴ ከተማ ከአክሱም ከተማ ለመጫወት አክሱም ደርሷል

ታህሳስ 26፤ 2011 ዓ.ም

በኢትዮጵያ ወንዶች ከፍተኛ ሊግ በአንደኛ ዙር በማዕከላዊ ሰሜን ዞን እግር ኳስ ዉድድር የፊታችን እሁድ ከቀኑ 9 ሰዓት ጀምሮ ደሴ ከተማ እግር ኳስ ክለብ ከሜዳው ዉጭ ከአክሱም ከተማ ጋር ይጫወታል፡፡

በአማራ እና በትግራይ ክልሎች እግር ኳስ ክለቦች መካካል የሚደረጉ እግር ኳስ ዉድድሮችን ያለምንም የፀጥታ ችግር በሰላም ለማካሄድ ክልሎች በወሰኑት መሰረት ደሴ ከተማ እግር ኳስ ክለብ ዛሬ አክሱም ከተማ ደርሷል፡፡

አክሱም ሲደርስ የአክሱም ከተማ ከንቲባ እና የከተማዋ ህብረተሰብ አቀባበል አድርገዋል፡፡ እንዲህ መሰሉ ድርጊት በሁሉም የክለብ አመራሮች፤ ደጋፊዎች እና የስፖርት ቤተሰቦች ቢጠናከር ለሃገራችን ስፖርት እድገት ወሳኝ ነው፡፡