Back

ኢትዮጵያ ቡና አሰልጣኙን አሰናበተ

ኢትዮጵያ ቡና እግር ኳስ ቡድን አሰልጣኝ ዲዲየ ጎሜዝ ዳሮሣ ከአሰልጣኝነታቸው ማሰናበቱን አስታውቋል።

አሰልጣኙ ቀሪ የ2 ዓመት ኮንትራት ቢኖራቸውም፤ የቡድኑ አቋም በየዕለቱ መውረዱን ተከትሎ አሰናብቷቸዋል።

ክለቡ ለአሰልጣኙ ተጨማሪ እድል ቢሰጣቸውም ወደ ቀደመ አቋሙ መመለስ ባለመቻላቸው አሰልጣኙን ለማሰናት መገደዱን አስታውቋል፡፡

ኢትዮጵያ ቡና እግር ኳስ ቡድን በፕሪሚየር ሊጉ ባደረጋቸው 15 ጨዋታዎች በ22 ነጥብ 8ኛ ደረጃ ላይ ተቀምጧል፡፡

ባለፈው የውድድር ዓመት አጋሽማ ኢትዮጵያ ቡናን የተረከቡት አሰልጣኙ ዘንድሮ በፕሪምየር ሊጉ ጅማሮ ላይ የዋንጫ ተፎካካሪ የነበረ ቢሆንም ቀስ በቀስ ከተፎካካሪነት ወጥቷል፡፡

በተከታታይ ነጥብ በመጣላቸው ከደጋፊዎችም ተቃውሞ ማስተናገድ የጀመሩት ጎሜዝን ዛሬ መሰናበታቸውን ክለቡ በማህበራዊ ድህረ ገፁ አስታውቋል፡፡

ዳንኤል ንጉሴ