Back

ሪያል ማድሪድ በሚቀጥለው ክረምት አዲስ አሰልጣኝ ሊቀጥር ነው

የካቲት 28፡ 2011 ዓ.ም

ከትላንት በስቲያ በሆላንዱ አያክስ አምስተርዳም ከአውሮፓ ቻምፒየንስ ሊግ ዋንጫ በጊዜ በመሰናበቱ የክለቡን አሰልጣኝ ሳንቲያጎ ሶላሬን ከሚቀጥለው ክረምት በኋላ በሌላ ሊታካ እንደሚችሉ እየገለፀ ነው፡፡

ዘንድሮ በእንግሊዝ ፕሪሚየር ሊግ ሊቨርፑልን ጠንካራ ተፎካካሪ እንዲሆን ያደረጉትን የርገን ክሎፕ፤ የቶተነሃሙ ሞረሲዮ ፖችቲኖ እንዲሁም የጁቬንቱሱን  ማሲሚላኖ አልግሪ  ክለብ በዋና አሰልጣኝነት ለመቅጠር በዕጩነት ከያዛቸው መካከል እንደሚገኙ ኢንዲፔንደንት ዘግቧል፡፡

በሊቨርፑል ቤት አዲስ  አብዮት መፍጠር የቻሉት የርገን ክሎፕ በሪያል ማድሪዱ ፕሬዝዳንት ፊዮረንቲኖ ፔሬዝ ከዚህ ቀደም የቀረበላቸውን የአሰልጣኝነት ጥያቄ ውድቅ ማድረጋቸው ደግሞ ጉዳዩ የበለጠ ትኩረት ስቧል፡፡

ያም ሆነ ይህ አሁን  በሀገር ውስጥም ሆነ በአውሮፓ ገናናው ክለብ ሪያል ማድሪድ ስሙን ዳግም ለመመለስ ስም ያለዉን አሰልጣኝ በዓመቱ መጨረሻ ለመቅጠር እየተንቀሳቀሰ መሆኑን ነው ዘገባው ያመለከተው፡፡

የቀድሞው የክለቡ አሰልጣኝ ጆዜ ሞሪኒሆ ደግም ወደ ቤርናባው በአስልጣኝነት ሊመለሱ ይችላሉም ተብሏል፡፡

ክለቡ ከዉጤት ቀውስ ጋር በተያያ ፕሬዝዳንቱን ጨምሮ በርካታ ተጫዋቾችን  ባላሙያዎችን ሊያጣ እንደሚችልም ዩሮ ስፖርት አስነብቧል፡፡

ዓምና የአውሮፓ ቻምፒየንስ ሊግ ዋንጫን ጨምሮ በርካታ ዋንጫዎችን ማሸነፉ ይታወሳል፡፡