Back

ሊቨርፑል ቼልሲን ያሸነፈበት ጨዋታ አስደናቂ ነበር ፡-ክሎፕ

በእንግሊዝ ፕሪምየር ሊግ ትላንት ሊቨርፑል በሜዳው ቼልሲን አስተናግዶ 2ለ0 በማሸነፍ መሪነቱን አጠናክሯል፡፡ ሊቨርፑል በመሀመድ ሳላ ግሩም ግብ በመታገዝ ቼልሲ በማሸነፍ ከሲቲ ጋር ያለውን የነጥብ ልዩነት ወደ 2 ከፍ አድርጎታል፡፡

ከ5 ዓመት በፊት ሊቨርፑል በቼልሲ 2 ለ 0 በመሸነፍ ከ29 ዓመት በኃላ የሊጉን  ዋንጫ ለማንሳት የነበራቸው ህልም የተጨናገፈ ነበረ፡፡

በጨዋታው ሳዲዮ ማኔ ከእረፍት መልስ ሊቨርፑልን ቀዳሚ ሲያደርግ ከሁለት ደቂቃ በኃላ ሳላ ግሩም ግብ በማስቆጠር በአንፊልድ ወሳኝ ድል አስመዝግቧል፡፡

የሊቨርፑል አሰልጣኝ የርገን ክሎፕ በቡድኔ ኮርቻለው በጣም ጥሩ ብቃት ነበረን፤  የስታዲየሙን ታዳሚ በሙሉ ያስደሰተው ቡድን  አባል በመሆኔ እድልኛ ነኝ ሲል አስተያየቱን ሰጥቷል፡፡

የቼልሲ አሰልጣኝ ማሪዮ ሳሪ በበኩላቸው በመጀመሪያው አጋማሽ ጥሩ ተጫውተናል ጥሩ ተከላልናል በቡደኔ ብቃት ተደስቻለው፤ ምክንያቱም ጥሩውን  ጨዋታ ከጥሩ ቡድን ጋር ነው የደረግነው ብለዋል፡፡

በሌላ ጨዋታ ወደ ለንደን ተጉዞ ክሪስታል ፓላስን ያስተናገደው ማንችስተር ሲቲ 3 ለ 1 በሆነ ወጤት አሸንፏል፡፡ስተሪሊንግ ሁለት ግቦችን ሲስቆጥር ገብርኤል ሄሱስ ቀሪዋን አንድ ግብ ማስቆተር ችሏል፡፡ አሰልጣኝ ፔፕ ጋርዲዮላ ከጨዋታው በኃላ በሰጠው አስተያየት ከቻምፒዮንስ ሊጉ ሽንፈት በኃላ የተገኘ ጠፋጭ ድል በማለት ገልፆታል፡፡

ሊጉን ሊቨርፑል በ85 ነጥብ ሲመራ አንድ ተስተካካይ ጨዋታ የሚቀረው ማንቸስር ሲቲ በ84 ነጥብ በ2ኛነት የከተላል፡፡ ቶቶነሃም በ67 ቼልሲ በ66 ማንችስተር ዩናይትድ በ64 ከ3ኛ እስከ 5ኛ ያለዉን ደረጃ ይዘዋል፡፡ ዛሬ ምሽት ከሜዳው ውጪ ከዋትፎሮድ ጋር የሚጫወተው አርሰናል በ63 ነጥብ 6ተኛ ደረጃ ላይ ይገኛል፡፡

ምንጭ፡- ቢቢሲ