Back

ሊቨርፑልና ቶትነሃም ለአውሮፓ ቻምፒየንስ ሊግ ግማሽ ፍፃሜ አለፉ

በአውሮፓ ቻምፒዮንስ ሊግ ሩብ ፍፃሜ በኢታድ ቶተንሃም ያስተናገደው ማንችስተር ሲቲ 4 ለ 3 በሆነ ውጤት ቢያሸንፍም ግማሽ ፍጻሜውን መቀላቀል ሳይችል ቀርቷል፡፡

 

ሁለቱ ቡድኖች በመጀመሪያ ዙር ባደረጉት ጨዋታ ቶትንሃም 1 ለ 0 ያሸነፈ ሲሆን በድምር ውጤት 4 ለ 4 ቢሆኑም ከሜዳ ውጪ ብዙ ባገባ በሚል ቶተንሃም ግማሽ ፍጻሜውን ተቀላቅሏል፡፡

 

በጨዋታ ሲቲ በ3ኛ ደቂቃ በስተርሊንግ ግብ ቀዳሚ ሲሆን ሰን ሂንግ ሚን በተከታታይ ባስቆጠራቸው ግቦች ቶተነሃም በኢታድ መምራት ችሎ ነበር።

 

በ21ኛው ደቂቃ ስተርሊንግ ሲቲን አቻ ሲያደረግ በርናዶ ሲልቫ ደግሞ ሲቲ መምራት አስችሎ የመጀመሪያ አጋማሽ ተጠናቋል፡፡

 

ከእረፍት መልስ ተጭነው የተጫወቱት ሲቲዎች በአጉዌሮ አማካኝነት 4ተኛው ግብ አስቆጥረው 4 ለ 2 መምራት የቻሉ ሲሆን ተቀይሮ የገባው ሞሬንቴ የቶነሃም 3ተኛ ግብ በማስቆጠር ከሜዳ ውጪ ብዙ ግብ በገባ በሚል ግማሽ ፍጻሜውን ተቀላቅሏል፡፡ በጨዋታው መጠናቀቂያ ስተርሊንግ ያስቆጠራት ግብ በምስል በታጋዘ ዳኝነት ተሽሯል፡፡ድሉ ተከትሎ ቶተነሃም ለመጀመሪያ ጊዜ ግማሽ ፍጻሜውን ተቀላቅሏል፡፡

 

በሌላ ጨዋታ ከፖርቶ ጋር ጨዋታው ያደረገው ሊቨርፑል 4 ለ 1 በሆነ ውጤት በማሸነፍ በድምር ውጤት በ6 ለ 1 ግማሽ ፍጻሜውን ተቀላቅሏል፡፡

 

ለሊቨርፑል ማኔ ሳላ ፈርሚኒዮ እና ቫርጂል ቫንዳይክ ግቦቹን ሲያስቆጥሩ ለፖርቶ ደግሞ ሚሊታዞ ብቸኛዋን ግብ አስቆጥሯል፡፡

 

በግማሽ ፍጻሜው ቶተንሃም ከአያክስ ሊቨርፑል ከባርሴሎና ጋር ይጫወታሉ፡፡