Back

የዬጋንዳ ብሄራዊ ቡድን የአንድ ሚሊዮን ዶላር ሽልማት ሊሰጠው ነው

ሀምሌ2 /2011

የዬጋንዳ ብሄራዊ  እግር ቡድን በአፍሪካ እግር ኳስ ዋንጫ እስከ ጥሎ ማለፍ ድረስ  ላስመዘገበው ዉጤት የሀገሪቱ ፕሬዝዳንት ዩዌሪ ሙሴቬኒ የአንድ ሚሊዮን አሜሪካ ዶላር ሽልማት ለመስጠት ቃል ገቡ፡፡

ዬጋንዳ በአፍሪካ እግር ኳስ ዋንጫ በጥሎ ማለፉ በሴኔጋል 1ለ0 ተሸንፎ ከዉድድሩ መሰናበቱ ይታወሳል፡፡

በሀገሪቱ ፕሬዝንት አቀባበል የተደረገለት ብሄራዊ ቡድኑ ከዉድድሩ ቢሰናባትም በዉድድሩ በነበራቸው ቆይታ አመርቂ ዉጤት ማስመዝገቡን ፕሬዝዳንቱ  ጠቁመው ወደፊት ለተሻለ ዉጤት እንዲተጋም ጠይቀዋል፡፡

የብሄራዊ ቡድን አባላት ከተጋጣሚዎችቻቸው አንፃር የተሻለ ብቃት ማሳያት ቢችሉም ወደፊት ግን ለሀገራቸው ክብር በፅናት መትጋት እንደሚገባቸዉም ነው ያሳሰቡት፡፡