Back

በባምላክ ተሰማ ጥቃት ያደረሰው የሞሮኮ እግር ኳስ ፌዴሬሽን ፕሬዝዳንት ተቀጣ

ሀምሌ 03 2011

ካፍ የሞሮኮ እግር ኳስ ፌዴሬሽን ፕሬዝዳንት ፉዋዝ ሌኪጃን ለአንድ ዓመት ከማንኛዉም እግር ኳስ ተያያዥ እንቅስቃሴዎች ማገዱ ተገለፀ፡፡

የአፍሪካ እግር ኳስ ፌዴሬሽን  የቅጣት ዉሳኔዉን ያስተላለፈው ኢንተርናሽናል ደኛ ባምላክ ተሰማ የአፍሪካ ኮንፌዴሬሽን ዋንጫ የመልስ ጨዋታን በመሩበት ወቅት ላሳዩት ያልተገባ ባህሪ ነው ተብሏል፡፡

በዕለቱ ጨዋታዉን የመሃል ዳኛ ሆኖ እየመራ የነበረው ዋና ደኛ ባምላክ ተሰማ በፉዋዝ ሌኪጃን መደብደቡን በተመለከተ የኢትዮጵያ እግር ኳስ ፌዴሬሽን ለካፍ  አቤቱታ አቅርቦ እንደነበር መግለፁ ይታወሳል፡፡

የሞሮኮ ዎርልድ ኒውስ እንደዘገበው ተላለፈ ስተባለው የቅጣት ዉሳኔ ካፍም ሆነ የሞሮኮ እግር ኳስ ፌዴሬሽን ማረጋገጫ አልሰጡም ሲል ዘግቧል፡፡

የኢትዮጵያ እግር ኳስ ፌዴሬሽን በበኩሉ ተላለፈ ስለተባለው ቅጣቱ እስከሁን  የደረሰኝ መረጀ ዬለም ብሏል፡፡  

ምንጭ፡- የሞሮኮ ዎርልድ ኒውስ