የአዲስ አበባ ከተማ አስተዳደር ለቦረና ህዝብ ያሰባሰበውን ከ250 ሚሊዮን ብር በላይ የሚገመት የዓይነት እና የገንዘብ ድጋፍ ለኦሮሚያ ክልል መንግስት አስረክቧል።
የከተማዋ አስተዳደር በቀጣይም የክልሉ መንግስት ችግሩን በዘላቂነት ለመቅረፍ እየሰራቸው ያሉ ስራዎችን ሁሉ እንደሚደግፍ ከንቲባ አዳነች አቤቤ በማኅበራዊ ትስስር ገፃቸው ላይ ባሰፈሩት ፅሁፍ አረጋግጠዋል።
በተለያዩ ጊዜያት ከህዝብ ጎን በመቆም ለሚታወቁት የከተማዋ ባለሃብቶች፣ ድጋፉን ላስተባበሩ አመራሮች እና በድጋፉ ለተሳተፉ ሌሎች የህብረተሰብ ክፍሎች ከንቲባዋ ምስጋና አቅርበዋል።
"ለቦረና ህዝብ ላሳያችሁት አለኝታነት እና ፍቅር ከልብ አመሰግናለሁ" ብለዋል ከንቲባ አዳነች አቤቤ።