Dorgommiiwwan daandii irraa xumura torbee darbeetti dorgomamaniin atileetonni Itoophiyaa injifatan

***************************

Dorgommii daandii irraa Kiiloo Meetra 25 Indiyaa, Kalkaataatti dorgmameen, atileetonni dubartootaa Itoophiyaa injifataniiru.

Dorgomicha atileet Daggituu Azmaraaw Sa'aatii 1, Daqiiqaa 19 fi Sekoondii 36 fiiguun yoo injifattu, Suutumee Asaffaa fi Massalach Alamaayyoo 2ffaa fi 3ffaa bahaniiru.

Maaraatoonii Teeppay, Taayiwaanitti fiigameen ammoo, dubartootaan atileetiin Itoophiyaa Gaaddisee Damissee Sa'aatii 2, Daqiiqaa 24 fi Sekoondii 17 fiiguun injifatteetti.

Atileetiin Itoophiyaa biraa Tirfee Bayyanaa Sa'aatii 2, Daqiiqaa 24 fi Sekoondii 19 fiiguudhaan 2ffaa baate.

Maaraatoonii Guwaazhuutti fiigameen ammoo dhiirotaan Afawarq Masfin Sa'aatii 2, Daqiiqaa 12 fi Sekoondii 23n xumuruudhaan injifate.

Dorgommii dubartootaan ammoo Beetaliheem Afanigus Sa'aatii 2, Daqiiqaa 27 fi 52n xumuruun 2ffaa yoo baatu, Caaltuu Cimdeessaa ammoo 3ffaan xumurte.

Nuuroo Amaanootu gabaase