Sagantaa torbee 3ffaa Piriimiyeer Liigii Inggilaandi har'aatiin taphni tokko ni eegala.
Liivarpuul galgala sa'aatii 4:00 irratti dirree isaatiin alatti kilaba haaraa gara Liigichaatti makame Iipsiwiich Taawun waliin ni taphata.
Xumura torbee darbe kana Maanchistar Yuunaayitiidiin 5 fi 2n kan moo'ame Iipsiwiich Taawun gara injifannootti deebi'uuf yoo taphatu; Liigicha keessatti tapha tokkollee moo'achuu kan hin dandeenye Liivarpuul ammoo injifannoo bara kanaa isa jalqabaa argachuuf ni taphata jedhameet eegama.
Taphattoonni Liivarpuul kanneen akka Huugoo Iikiitiikee, Joo Goomeez, Koonar Biraadlii fi Jiyovaanii Liyoonee sababa miidhamaatiin tapha kana irratti hin hirmaatan.
Iipsiwiich Taawun dirree isaa irratti taphoota 18 darban keessatti kan hin moo'amne yoo ta'u, har'as Liivarpuuliif qormaata guddaa ni ta'a jedhameet eegama.
