Ministirri Muummee Abiyyi Ahimad (PhD) ji’oota Hagayyaa fi Fulbaanaa keessa dameewwan ashaaraa magariisaa, hawaasummaa, bulchiinsaa, eebba pirojeektotaa fi dippiloomaasiitiin hojiiwwan gurguddoo raawwataniiru.
Hojiiwwan Ministirri Muummee Abiyyi Ahimad (PhD) raawwatan kunneenis:
Ashaaraa Magariisaa:- Sagantaa Ashaaraa Magariisaa bara 2018 mata duree “Abdii Haa Dhaabnu” jedhuun xumuramuun biqiltuun dhaabbameera. Dhimmoota Hawaasummaa:- Ayyaana Bara Haaraa fi Masqalaa sababeeffachuun ergaa baga geessan dabarsaniiru; hojjettoota waajjirichaa, daa'immanii fi kutaalee hawaasaatiif kennaa fi maaddii qoodaniiru.
Dhimmoota Bulchiinsaa:- Walgahii idilee Mana Marii Ministirootaa 59ffaa irratti dambiiwwan fooyyessii taaksii (VAT, gibira galii), bulchiinsa daataa, anniisaa fi wixinee labsii Raayyaa Ittisa Biyyaa irratti murtoowwan dabarsaniiru.
Eebba Pirojeektotaa:- Pirojeektii babal’ina Giddugala Loojistiksii Ammayyaa Moojoo heektaara 60 irratti ijaarame fi waggaatti konteenaroota miiliyoona tokko keessummeessuu danda'u eebbisaniiru.Dippilomaasii fi Tumsa Idil-Addunyaa:
Baankii Biyyaalessaa fi ‘IFC’ waliin waliigaltee manneen jireenyaa miiliyoona 1.5 dhiheessuuf gargaaru mallatteessaniiru.
Yaa’ii ‘BRICS’ 18ffaa irratti hirmaachuun hoggantoota biyyoota adda addaa waliin mari’ataniiru; imala Daldala Addunyaa (WTO), COP32 fi deeggarsa ‘ICAO’ argataniiru.
Jibuutiitti Pirezidaantii Ismaa’el Omar Geellee fi Aliikoo Daangotee waliin sarara ujummoo boba’aa Dawwaallee –Daarmajoog (kiiloo meetira 120) eegalchiisaniiru.
Keeniyaatti sirna dhagaa bu’uuraa kaa’uu Pirojeektii boba’aa Calaluu Laamuu irratti hirmaataniiru; akkasumas Pirezidaantii Somaaliyaa Hasan Sheek Mahammudiin Finfinneetti simataniiru.
