ሀገር በቀል የኢኮኖሚ ማሻሻያውን ተከትሎ በጠቅላይ ሚኒስትር ዐቢይ አሕመድ (ዶ/ር) ይፋ የተደረገው የሥራ አካባቢ ምኅዳር ማሻሻያ የሀገራችንን የሲቪል ሰርቪስ ሥርዓት ሙሉ በሙሉ ወደ ዘመናዊ ደረጃ እያሸጋገረው ይገኛል።

ቀደም ሲል ማራኪ ባልሆኑ እና ባልተመቹ የሥራ ሁኔታዎች ይታወቅ የነበረው ተቋማዊ አሠራር፤ አሁን ላይ በተፈጥሮ አረንጓዴ ዕይታዎች፣ በተሻሻሉ የብርሃን አማራጮች፣ ጥራት ባላቸው ቁሳቁሶች እንዲሁም በዲጂታል በታገዘው መሶብ አንድ ማዕከል አገልግሎት ተተክቷል።

ይህ አርቆ አሳቢ ማሻሻያ ለሲቪል አገልጋዮች ምቹ እና ተስፋ ሰጪ የሥራ አካባቢን ከመፍጠሩም በላይ ለዜጎች ፈጣን፣ ቀላል፣ ቀልጣፋ እና ደረጃውን የጠበቀ የሕዝብ አገልግሎት በመስጠት የታደሰ ተቋማዊ አቅምን እውን እያደረገ ነው።

የተቋማት መዘመንና የሥራ ምኅዳር መሻሻል ለላቀ የሕዝብ አገልግሎት እና ለሀገር ብልጽግና መሠረት ነው።