በ2026 የበርሊን ማራቶን የሴቶች ውድድር አትሌት ትዕግስት አሰፋ ለሦስተኛ ጊዜ ባለድል ሆናለች። በርቀቱ የዓለም የክብረ ወሰን ባለቤቷ አትሌት ትዕግሥት፣ ውድድሩን በቀዳሚነት ለማጠናቀቅ 2 ሰዓት ከ11 ደቂቃ ከ04 ሴኮንድ ወስዶባታል።

በተመሳሳይ ከደቂቃዎች በፊት በተጠናቀቀው የ2026 በርሊን ማራቶን የወንዶች ውድድር ኢትዮጵያዊው አትሌት ጉዬ አዶላ ባለድል ሆኗል። በ2021 የውድድሩ አሸናፊ የነበረው አትሌት ጉዬ ዛሬ በድጋሚ ባለድል ሲሆን፣ ርቀቱን ለማጠናቀቅ 2 ሰዓት ከ02 ደቂቃ ከ51 ሴኮንድ ወስዶበታል።

በወንዶች ማራቶን ሌላኛው ኢትዮጵያዊ አትሌት ገመቹ ዲዳ 2ኛ ደረጃን ይዞ ሲያጠናቅቅ፣ ታንዛኒያዊው ጋብርኤል ጌራልድ ጊዬ 3ኛ ደረጃን ይዞ ውድድሩን አጠናቅቋል።