በባንኮክ እየተካሄደ በሚገኘው የ2026 የዓለም የገንዘብ ድርጅት (IMF) እና የዓለም ባንክ ቡድን ዓመታዊ ስብሰባ ጎን ለጎን፣ ከፍተኛ የኢትዮጵያ ልዑካን ቡድን ከአሜሪካ የገንዘብ ሚኒስቴር የአፍሪካ እና የመካከለኛው ምስራቅ ምክትል ረዳት ሚኒስትር ኤሪክ ሜየር ጋር ተወያይቷል።

ይህ ውይይት ኢትዮጵያ እያካሄደች ያለችውን አጠቃላይ የኢኮኖሚ ሪፎርም አፋጥኖ ለማስቀጠል የሚያስችሉ የቴክኒክ እና የፋይናንስ ድጋፍ አማራጮችን አግኝቶ ለማስፋፋት የሚያስችል ሲሆን፣ በዓለም አቀፍ የፋይናንስ ተቋማት ማዕቀፍ ውስጥም አጋርነትን ማጠናከር በሚቻልበት ሁኔታ ላይ ትኩረት አድርጓል።

ከዚህ በተጨማሪ ሁለቱ ወገኖች በወቅታዊ የቀጣናዊ ፖለቲካ እና ደህንነት ጉዳዮች ዙሪያ ሰፊ የሀሳብ ልውውጥ አድርገዋል።

በውይይቱ ወቅት ምክትል ረዳት ሚኒስትር ኤሪክ ሜየር ኢትዮጵያ መዋቅራዊ የኢኮኖሚ ሪፎርሞችን ለማስፈጸም የምታሳየውን ቁርጠኝነት ያደነቁ ሲሆን፣ አሜሪካ ገንቢ የሆነውን የሁለትዮሽ አጋርነት አጠናክራ ለመቀጠል ያላትን ጽኑ ፍላጎት አረጋግጠዋል።

ሁለቱም ልዑካን ቡድኖች የጋራ የልማት ግቦችን ለማሳካት እና የቀጠናውን መረጋጋት ለማስፈን መደበኛ እና ገንቢ የሆነ የዲፕሎማሲያዊ ውይይት እንደሚያስቀጥሉ በመስማማት ስብሰባታቸውን አጠናቀዋል።