ለይፋዊ የሥራ ጉብኝት ኢትዮጵያ የቆዩት የላይቤሪያ ሪፐብሊክ ፕሬዝደንት ጆሴፍ ንዩማ ቦአካይ የነበራቸውን የሥራ ጉብኝት አጠናቀው ወደ ሀገራቸው ተመልሰዋል፡፡

ፕሬዝደንቱ በኢትዮጵያ ባለፉት ቀናት ያደረጉትን ይፋዊ የሥራ ጉብኝት አጠናቀው ዛሬ ማለዳ ሽኝት ተደርጎላቸዋል።

በምክትል ጠቅላይ ሚኒስትር ማዕረግ የዴሞክራሲ ሥርዓት ግንባታ ማስተባበሪያ ማዕከል ኃላፊና የብልጽግና ፓርቲ ምክትል ፕሬዚዳንት አቶ አደም ፋራህ በቦሌ ዓለም አቀፍ አውሮፕላን ማረፊያ ተገኝተው ለፕሬዝደንት ጆሴፍ ንዩማ ቦአካይ ሽኝት አድርገውላቸዋል።

ኢትዮጵያ እና ላይቤሪያ በቅኝ ግዛት ያልተገዙ፣ ለአኅጉሪቱ ነፃነትና አንድነት ድምፅ በመሆን ከጋራ የጽናት ታሪክ የሚመነጭ ጥልቅና ዘመናትን የተሻገረ ግንኙነት ያላቸው ሀገራት ናቸው። 

የአሁኑ የፕሬዝደንት ጆሴፍ ንዩማ ቦአካይ የሥራ ጉብኝት የሁለቱን ሀገራት የቆየ ዲፕሎማሲያዊ ግንኙነት ያጠናክራል።

በአስማረ ብርሃኑ

#EBC #Ethiopia #Liberia #Diplomacy #OfficialVisit #AfricaUnity #BilateralRelations #AddisAbaba