የክረምቱን ደመና ገፍፎ፣ የምድርን ሐሴት ይዞ የመጣው የአደይ አበባ መዓዛ አየሩን ሞልቶታል።

ዛሬ፣ መስከረም 1 ቀን 2019 ዓ.ም፤ የኢትዮጵያ ሕዝብ አሮጌውን ዘመን ተሰናብቶ አዲሱን የዘመን መለወጫ በዓል በድምቀት እና በታላቅ ተስፋ እየተቀበለ ይገኛል።

የዛሬው ቀን የኢትዮጵያዊነትን የማይበገር ጽናት፣ ከትውልድ ትውልድ የተሻገረውን አብሮነት እና የነገን ብሩህ ተስፋ በድጋሚ የምናበስርበት ታላቅ ምዕራፍ ነው።

ከሐረር ታሪካዊ በሮች እስከ ሰሜን ተራሮች ግርማ ሞገስ የተዘረጋው የኢትዮጵያዊነት ማዕበል ዛሬ በቤተሰባዊ ፍቅር እና በባሕላዊ ዕሴቶቻችን ደምቆ ይታያል።

ያለፈውን ዓመት ፈተናዎች እና ውጣ ውረዶች በጽናት አሸንፈን፣ ዛሬ በጋራ ራዕይ እና በአንድነት ላይ ቆመናል።

የኢትዮጵያ ታሪክ ሁልጊዜም የሚታወቀው ከፈተናዎች ባሻገር በታላቅ ድል እና በይበልጥ ተጠናክሮ በመነሣት ነው። አዲስ ዓመት ማለት ያለፉትን ቁስሎች በይቅርታ ዘግተን፣ ለሀገራችን ከፍታ እና ለልማት አዲስ ቃል ኪዳን የምንገባበት ወቅት ነው።

በከተሞች እና በገጠር እየታዩ ያሉ የልማት እርምጃዎች፣ በየዕለቱ ላባቸውን እያፈሰሱ ሀገርን እያጸኑ ያሉ ዜጎቻችን ጥረት የነገዋን ብሩህ ሀገር የሚያረጋግጡ ናቸው።

ኢትዮጵያዊነት ማለት በችግር ጊዜ መተሳሰብ፣ በደስታ ጊዜ ማዕድ መጋራት፣ ለሀገር ክብር እና ሰላም በአንድነት መቆም ማለት ነው።

ዛሬ በቤተሰብ ዙሪያ ተሰባስበን፣ ከጎረቤት ጋር ተካፍለን፣ በታላቅ ኢትዮጵያዊ መንፈስ የምናሳልፈው የበዓል ቀን፤ ለትውልድ የምናስተላልፈው ትልቁ ውርሻችን ነው።

የኢትዮጵያ ሰማይ በሰላም የጸና፣ መሬቷ በልማት የለመለመ፣ የፍቅር፣ የይቅርታ እና የብልጽግና ዘመን ይሁንልን።

መልካም አዲስ ዓመት!

በሔዋን ጌታቸው