Piriimiyeer Liigii Ingilaandi torbee 3ffaa irratti Arenaal dirree isaa Emiireetisitti Cheelsii keessummeessuun 2 fi 1n injifateera.
Taphataa haaraan bitame Moorgaan Roojars daqiiqaa 2ffaa irratti Cheelsiif goolii yoo galchu, daqiiqaa 25ffaa irratti Kaay Haavartiz ammoo Arsenaaliif goolii wal qixxeessituu galcheera.
Haa ta'u malee, tapha walakkaa 2ffaa daqiiqaa 50ffaa irratti goolii Maartiin Oodeegaardi Arsenaaliif goolii injifannoo galcheera.
Bu'aa kanaan Arsenaal injifannoo sadi walitti aansee galmeesseen qabxii 9 qabachuudhaan garaa garummaa gooliitiin Maachistar Siitiin caalamee sadarkaa 2ffaa irratti argama.
Cheelsiin ammoo qabxii 6n sadarkaa 4ffaa irra jira.
