የመቐለ ከተማ ባለአደራ አስተዳደር ባካሄደው ስብሰባ በከተማዋ በቀጣይ የሚከናወኑ ዓበይት ተግባራትን በተቀናጀ መልኩ ለማስፈጸም የሚያስችሉ ውሳኔዎችን እና አቅጣጫዎችን አስቀምጧል።

የትግራይ ክልል የፌዴራል መንግሥት ባለአደራ አስተዳደር የመቐለ ከተማ ከንቲባ ሺሻይ አማረ (ዶ/ር) መሪነት በተካሄደው በዚህ የምክክር መድረክ፣ በከተማዋ የደረሱ ውድመቶችን መልሶ የመገንባት፣ የተቋማትን የአገልግሎት አቅም የማጠናከርና አስተዳደራዊ አሠራሮችን ቀልጣፋ የማድረግ ጉዳዮች ላይ ሰፊ ውይይት ተደርጓል።

በተጨማሪም እስካሁን የተከናወኑ ሥራዎች የተገመገሙ ሲሆን፣ የነዋሪዎችን የአገልግሎት ጥያቄዎች ሳይዘገይ ለመመለስ እና አፋጣኝ ምላሽ የሚሹ አጀንዳዎችን በመለየት የተቀናጀ የሥራ አቅጣጫ ተቀምጧል።