የምስራቅና ደቡባዊ የአፍሪካ ሀገራት  በወንጀል  ድርጊት የተገኘን ገንዘብ  ወይም ንብረት ሕጋዊ አስመስሎ ማቅረብ ወንጀልን  መከላከል  ዓለማ ያደረገ ጉባዔ በአፍሪካ ኢኮኖሚክ ኮሚሽን መካሄድ ጀመሯል።

ጉባኤው በሕገ ወጥ የሰዎች ዝውውር፣በሙስና ፣በሕገ ወጥ የገንዘብ ዝውውር በዕፆች ዝውውር የተገኘን ገንዘብ ሽብርተኝነትን በገንዘብ መርዳት፣ጅምላ ጨራሽ መሳሪያዎችን ስርጭት ጨምሮ ሌሎች አመንጪ ወንጀሎችን በቅንጅት ለመከላከል አጋርነትን ማጠናከር ያለመ ነው።

በስብሰባው ላይ ከፖሊሲ አውጪዎች፣ ከፋይናንስ ደህንነት ተቋማት፣ ከህግ አስከባሪ አካላት፣ ከግሉ የፋይናንስ ዘርፍ ተቋማት እንዲሁም ከዓለም አቀፍ ተቋማት የልዑካን ቡድኖችና ተወካዮች የተውጣቱ ከ1150 በላይ ተወካዮች ይሳተፉበታል።

እ.ኤ.አ በ1999 በታንዛኒያ የተመሰረተው ቀጠናዊ ተቋም ከ21 አባል ሀገራት በተውጣጡ የፋይናንስ ደኅንነት ተቋማት፣ 1 ታዛቢ ሀገር እና የዓለም ባንክን፣ የዓለም አቀፍ የገንዘብ ድርጅትን ጨምሮ 34 አጋር ተቋማትንና ሀገራትን ያቀፈ ነው።

በላሉ ኢታላ